Lajme

Çështja e dinarit: Takimi i radhës Kosovë – Serbi të mërkurën

Autori: Gazeta inFokus 13:37 | 13 May 2024

Të mërkurën më 15 maj, do të mbahet takimi i radhës në mes të Kosovës dhe Serbisë rreth çështjes së dinarit.

Kështu ka deklaruar për Klankosova.tv zëdhënësi i Bashkimit Evropian Peter Stano, gjatë një konference për media.

“Do të vazhdojnë diskutimet për të gjetur një zgjidhje të qëndrueshme të përkohshme për vendimin e BQK-së për operacionet financiare. BE-ja pret nga takimi i të mërkurës që të dyja palët të tregojnë gatishmëri për kompromis”, tha Stano gjatë një konference.

-Advertisement-

Zëdhënësi i BE-së theksoi se shpreson që ky do të jetë takimi i fundit rreth dinarit.

Më 11 maj, ka përfunduar zyrtarisht periudha tranzitore e Bankes Qendrore.

Nga e diela, zyrtarisht euroja është valute e vetme që mund të përdoret për pagesa në Kosovë.

Sipas rregullorës së BQK-së parashihen edhe gjoba për ata që kryejnë pagesa me dinar.

Lidhur me këtë, është prononcuar edhe kryeministri i Kosovës, Albin Kurti.

Kurti tha se “rregullorja e BQK-së e ka qëllimin e ligjshmërisë dhe jo dënimin”.

 

Subscribe në YouTube: GAZETA INFOKUSI
Etiketa:

Të tjera

Fokusi

lajme