Sport

Canelo Álvarez, në ring pavarësisht se del pozitiv me doping

Autori: Gazeta inFokus 09:17 | 07 March 2018

Canelo Álvarez ka marrë në mënyrë të pabesueshme mbështetjen e dy institucioneve të rëndësishme të boksit, për t’u ndeshur sërish me Gennady Golovkin, pavarësisht se rezultoi pozitiv në një test antidoping.

Meksikani u zbulua se kishte në gjakun e tij substancën e ndaluar “clenbuterol”, por “djaloshi i artë”, siç është pagëzuar nga mediet, do të ketë mundësinë e revanshit pavarësisht kësaj.

“Ne do të ndjekim të njëjtën linjë që kemi aplikuar me boksierët e tjerë, që kanë rezultuar pozitiv me clenbuterol. Do të ndjekim protokollin dhe do të punojmë me komisionet e boksit, që të zbardhim këtë çështje. Por, me sa dimë për clenbuterolin dhe nga sa duket niveli i tij në teste, gjithçka lë të kuptohet se ka ardhur nga konsumimi i një ushqimi të pakontrolluar gabimisht”, tha Mauricio Sulaiman, president i WBC-së.

-Advertisement-

Sipas tij, Canelo Álvarez ka një “CV” të pastër për sa u përket substancave të ndaluara, e nuk mund të penalizohet për këtë test. Në të njëjtën linjë ishte edhe Federata e Boksit për kategorinë WBA.

“Clenbuterol”-i përdoret shpesh për të pasuruar ushqimin e kafshëve në Kinë dhe në Meksikë, për të rritur vëllimin. Futbollistët e Kombëtares meksikane në vitin 2011, në Kupën CONCACAF, u shfajësuan nga testi pozitiv, pasi u vërtetua se ishin helmuar nga ky lloj mishi.

Subscribe në YouTube: GAZETA INFOKUSI