Lajme

Bora bllokon disa fshatra në Bulqizë

Autori: Gazeta inFokus 13:18 | 26 November 2023

Pas reshjeve të dendura të dëborës të ditës së djeshme dhe natës së kaluar, dita e sotme egjithë rrethit të Bulqizës është pushtuar nga ngricat për shkak të uljeve të temperaturave.

Reshjet të cilat vijuan me intesitet të lartë të shoqëruar dhe me erë të fortë gjatë pasdites së djeshme bllokuan për disa orë aksin Bulqizë-Maqellarë-Peshkopi, shkruan TCh.
Probleme ka dhe në njësitë administrative Martanesh, Trebisht, Ostren, Zerqan, Fushë-Bulqizë, Shupenzë si dhe Gjoricë, ku pjesa më e madhe e fshatrave janë të bllokuar që prej pasdites së djeshme për shkak të trashësisë së borës.

Aktualisht rruga Bulqizë-Peshkopi kalohet pa zinxhir, ndërsa Bulqizë-Qafë Murrizë dhe Bulqizë-Krastë me zinxhirë, ndërsa në rrugën Ura e Çerenecit-Librazhd kalohet me vështirësi edhe me zinxhirë.

-Advertisement-

Reshjet kanë sjellë probleme edhe në energjinë elektrike në linjat e transmetimit të lartë dhe atë të mesëm, ku ka lënë pa energji prej ditës së djeshme gjithë rajonin e Bulqizës.

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme