m'tha t'thash

Bindjet tona politike mund t’i kemi shkruara në ADN

Autori: Gazeta inFokus 14:24 | 15 October 2018

Shkencëtarët ia kanë atribuuar historikisht besimet politike, edukimit dhe ambientit rrethues. Por kërkimet e fundit tregojnë se prirjet tona politike, kanë një përbërës të madh gjenetik. Studimi më i fundit mbi besimet politike, i botuar në vitin 2014 në “Behavior Genetics”, shqyrtoi një mostër prej më shumë se 12.000 çifte binjakësh nga 5 vende të botës, përfshirë SHBA-në.

Disa ishin identikë dhe disa jo; por të gjitha çiftet ishin rritur bashkë. Studimi tregon se zhvillimi i qëndrimeve politike, varet mesatarisht 60 për qind nga mjedisi ku rritemi dhe jetojmë, dhe 40 për qind në gjenet tona. “Ne e trashëgojmë një pjesë të mënyrës se si përpunojmë informacionin, si e shohim botën dhe si i perceptojmë kërcënimet – dhe këto janë cilësuar në një shoqëri moderne si qëndrime politike”, shpjegon Peter Hatemi, epidemiolog gjenetik në Universitetin e Sidnejit në Australi, dhe autori kryesor i studimit.

Gjenet e përfshira në tipare të tilla komplekse, janë të vështira për t’u identifikuar, sepse ato tentojnë të përfshihen në një numër të madh procesesh fizike dhe njohëse, ku secili luan një rol të vogël në formësimin e qëndrimeve tona politike. Megjithatë, një studim i botuar në vitin 2015 në “Proceedings of the Royal Society B” arriti të bëjë pikërisht atë gjë, duke treguar se gjenet që kodojnë receptorë të caktuar për neurotransmetuesin dopaminë, janë të lidhura me vendin ku ndodhet aksi liberalo-konservator.

-Advertisement-

Në mesin e grave që ishin shumë liberale, 62 për qind ishin bartëse të gjenotipeve të caktuara të receptorëve, që kanë qenë më parë të lidhura me tipare të tilla, si të qënit të hapur dhe kërkimi i risive. Ndërkohë, në mesin e grave shumë konservatore, përqindja ishte vetëm 37.5 për qind.

Këto gjetje gjenetike, janë në përputhje me shumë studime psikologjike, që kanë sugjeruar se qëndrimet politike janë të lidhura me tiparet e personalitetit. Për shembull hapja ndaj përvojave, parathotë një ideologji liberale; ndërsa ndërgjegja shpesh shkon me një qëndrim konservator.

Megjithatë, dëshmitë tregojnë se qëndrimet politike nuk janë shpjeguar plotësisht nga personaliteti; të dyja kanë më shumë gjasa të jenë rrënjosura në mënyrë të pavarur, në atë që Hatemi e quan një “arkitekturë të përbashkët psikologjike”. Hatemi dhe kolegu i tij Bred Verhulst, politolog në Universitetin Shtetëror të Pensilvanisë, botuan një studim në vitin 2015 në “PLOS ONE” ku treguan se ndryshimet në personalitet gjatë një periudhe 10- vjeçare nuk parashikojnë ndryshime në qëndrimet politike.

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu

Të tjera