Ekonomi

Besnik Bislimi akuzon Avdullah Hotin, si zv. Kryeministër i shkaktoi dem te madh ekonomisë kosovare

Autori: Gazeta inFokus 12:23 | 02 April 2020

Ministri i Financave dhe Transfereve të Kosovës, Besnik Bislimi ka fajësuar ish-zëvendëskryeministrin e Kosvës, Avdullah Hotin se me deklarata të pa matura i ka shkaktuar dëm të madhe ekonomisë së Kosovës.

Sipas tij, deklarimi i Hotit se qytetarët nuk kanë nevojë në këtë periudhë të pandemisë së korona virusit të paguajnë obligimet komunale, ishte i papërgjegjshëm dhe ka ngjallur konfuzion.

“… ju kujtohet deklarata e ish-zëvendëskryeministrit Hoti, i cili ka thënë se  nuk ka nevojë në këtë periudhë të paguhen obligimet komunale, për shembull për shërbime komunale si interneti e të ngjashme dhe qytetarët nuk e kanë kuptu që kjo është një dëshirë ose mendim i zëvendëskryeministrit por e kanë interpretua si vendim të qeverisë dhe rrjedhimisht ka stopuar këto pagesa”, ka thënë Bislimi në një intervistë për gazetën inFokus.

-Advertisement-

Sipas tij, ky nuk ka qenë vendim i Qeverisë asnjëherë.

“E ka keqprezentu ish zëvendëskryeministri dhe ka kriju shumë konfuzion edhe dame. Për çdo shërbim publik ose mall që e marrin nga ndërmarrjet publike zëvendëskryeministri ka thënë të shtyhen pagesat. Ka qenë ide e tij, nuk ka kalu kurrë në qeveri, mirëpo ka kriju dame të mëdha në ekonomi kjo deklaratë”, ka thënë Bislimi.

I pari i financave të Kosovës vlerëson se në vend të kësaj mase duhet tu ndihmohet kompanive me likuiditet në mënyrë që ti përballojnë pagesat.

“Tash ne nuk mundemi me thirr ish zëvendëskryeministrin dhe me qu në përgjegjësi penale për këtë, mirëpo duhet të shikojmë se si kompanive tu ndihmojmë me likuiditet derisa të kryhen pagesat”, është shprehur Bislimi.

Ai ka porositur qytetarët se Qeveria nuk ka marrë vendim dhe nuk do të thotë se nuk duhet të mos paguhen faturat e energjisë elektrike apo shërbimeve

Intervistë me ministrin e Financave dhe Transfereve, Besnik Bislimi.

Mësojeni se si do të përfitojnë bizneset dhe qytetarët nga pakoja emergjente e Qeverisë së Kosovës

Posted by Gazeta Infokus on Thursday, 2 April 2020

 

Subscribe në YouTube: GAZETA INFOKUSI

Të tjera

Fokusi

ekonomi