Lajme

BE: Vaksina të përshtatura me variantet e Covid do të jenë gati në vjeshtë

Autori: Gazeta inFokus 20:31 | 09 August 2022

Bashkimi Europian po përgatitet për vaksinat e përshtatura sipas varianteve, që të jenë gati në vjeshtë. Lajmi u dha nga Komisionerja e BE-së për Shëndetësinë, Stella Kyriakides.

“Për të garantuar më së miri përgatitjen tonë të përbashkët kundër Covid-it në vjeshtë dhe dimër, Shtetet Anëtare duhet të kenë mjetet e nevojshme. Këtu përfshihen vaksinat e përshtatura sipas varianteve, si dhe kur do të autorizohen nga Agjencia Evropiane e Barnave”.

Komisionerja e BE-së nënvizoi se marrëveshja mes BE-së dhe Moderna-s për të riprogramuar dërgesat e vaksinave kundër Covid-19 në shtator “do të sigurojë që vendet të kenë akses në dozat që u nevojiten në kohën e duhur për të mbrojtur qytetarët”.

-Advertisement-

Marrëveshja ka të bëjë gjithashtu edhe me vaksinat e përshtatura me variantet e reja BA.4 dhe BA.5 Omicron, në pritje të autorizimit nga EMA. “Kjo do të sigurojë që autoritetet kombëtare të kenë akses në vaksinat kur u duhen për fushatat e tyre kombëtare,” njofton Brukseli në një deklaratë.

“Marrëveshja garanton që, nëse një ose më shumë vaksina të përshtatura marrin autorizim marketingu, Shtetet Anëtare mund të zgjedhin të marrin vaksinat e përshtatura sipas kontratës aktuale” dhe gjithashtu parashikon dërgimin e “një 15 milionë dozash shtesë” të vaksinave të përshtatura “nënshtrohen autorizimit të marketingut brenda kohëve që do të lejonin përdorimin e këtyre dozave për fushatat e tyre të vaksinimit”, deklaroi komisionerja e BE.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme