Dhomat e Specializuara të Kosovës me seli në Hagë, ua kanë refuzuar kërkesën për lirim të përkohshëm Kadri Veselit, Rexhep Selimit dhe Jakup Krasniqit.

Në mesin e shumë zotimeve që avokatët e treshes së UÇK-së dorëzuan te gjyqtarët, ishin edhe garancitë e Policisë së Kosovës se mund të zbatohet një arrest shtëpiak

Megjithatë, as kjo nuk i ka bindur gjyqtarët.

Gjyqtarët kanë konstatuar se Policia e Kosovës nuk ka dhënë detaje për dy tema, të cilat aktualisht janë të redaktuara, dhe nuk dihet për çka është fjala

Megjithatë, as kjo nuk i ka bindur gjyqtarët.

Gjyqtarët kanë konstatuar se Policia e Kosovës nuk ka dhënë detaje për dy tema, të cilat aktualisht janë të redaktuara, dhe nuk dihet për çka është fjala.

“Paneli konsideron se rreziku i formave të pakontrolluara të komunikimit, të tilla si mesazhet me shkrim ose shkëmbimet ballë për ballë, nuk mund të adresohet në mënyrë adekuate jashtë regjimit të monitorimit që zbatohet aktualisht në Qendrat e Paraburgimit të Gjykatës së Lartë. Paneli vëren gatishmërinë e Policisë së Kosovës për të [REDAKTUAR], dhe për të [REDAKTUAR]. Megjithatë, Paneli konsideron se ndalimi i Z. Selimi nga kontakti me dëshmitarë, persona të lidhur me çështjen ose, për këtë çështje, çdo person në Kosovë, nuk mund të zbatohet dhe as të monitorohet jashtë Qendrave të Paraburgimit”, thuhet në vendim.

“Në këtë drejtim, Paneli vëren veçanërisht se Policia e Kosovës nuk është zotuar të [REDAKTUAR], dhe sigurimet e Policisë së Kosovës se [REDAKTUAR]. Paneli është i mendimit se asnjë nga masat e propozuara, as ndonjë masë tjetër që Paneli mund të vendosë në mënyrë të arsyeshme, nuk do të ishte e mjaftueshme për të [REDAKTUAR] në mënyrë adekuate, veçanërisht duke marrë parasysh gjetjet e mësipërme në lidhje me shkëmbimin e mundshëm të mesazheve të koduara dhe personale”, thuhet më tutje.

Gjyqtarët e kanë pranuar se Policia e Kosovës, sipas gjetjeve të Komisionit Evropian, është zhvilluar në kapacitet profesionale, megjithatë ka theksuar shqetësim për kufizimin e komunikimeve.

“Paneli gjithashtu vëren se Komisioni Evropian ka raportuar se kapaciteti operacional i Policisë së Kosovës duket se është përmirësuar vazhdimisht. Megjithatë, Paneli mbetet i pabindur se masat e propozuara nga Policia e Kosovës në lidhje me monitorimin dhe kufizimin e komunikimeve mund të adresojnë mjaftueshëm çështjet e trajtimit të [REDAKTUAR], gjatë një periudhe më të gjatë lirimi të përkohshëm. Në veçanti, Paneli është i mendimit se informacioni i dhënë [REDAKTUAR] nuk adreson rrezikun që lidhet me rrjedhjen e mundshme të mesazheve të koduara në lidhje me dëshmitarët e mbrojtur, duke përfshirë ata që kanë dëshmuar tashmë dhe ata që mund të vijnë për të dëshmuar në fazat e ardhshme të gjyqit”, thuhet në vendimin e gjyqtarëve.

Si rezultat, gjyqtarët kanë konstatuar se nuk kanë arsye të dërgojnë komente shtesë ose pyetje në adresën e Policisë së Kosovës.

“Sa i përket ftesës së Mbrojtjes së Veselit drejtuar Panelit për të bërë hetime të mëtejshme me Policinë e Kosovës,Paneli është i mendimit se nuk ka nevojë për ndonjë kërkesë të tillë. Policia e Kosovës është kontaktuar në disa raste të ndara nga Mbrojtja e Veselit dhe drejtpërdrejt nga Gjyqtari i Procedurës Paraprake në të kaluarën, dhe përsëri nga Mbrojtja e Veselit deri në mars 2025. Paneli është i mendimit se këto shkëmbime i kanë dhënë Policisë së Kosovës një mundësi të arsyeshme për të ofruar çdo informacion shtesë që ata e konsideruan të rëndësishëm, për vendimin aktual. Prandaj, Policia e Kosovës ka pasur mundësi të mjaftueshme për të ofruar informacionin e kërkuar dhe çdo informacion shtesë nuk do ta ndihmonte më tej Panelin në lidhje me këtë çështje”, përfundon vendimi.

Artmotion me ofertë PAKO SUPREME – kësaj radhe më shumë argëtim!

Sponsoruar