Lajme

Izraeli sulmoi 150 objektiva në Iran gjatë natës

Autori: Gazeta inFokus 16:28 | 14 June 2025

Izraeli përdori qindra municione për të goditur 150 objektiva në Iran gjatë natës, tha të shtunën një zyrtar i Forcave të Mbrojtjes së Izraelit (IDF), duke pretenduar se sulmet izraelite kanë penguar programin bërthamor iranian.

Ushtria izraelite nisi një operacion kundër krerëve të lartë të Iranit, lokacioneve ushtarake dhe shkencëtarëve bërthamorë të premten, në një nga përshkallëzimet më të mëdha ushtarake në Lindjen e Mesme gjatë dekadave të fundit. Irani tha se dhjetëra persona u vranë në sulm, shkruan CNN.

Teherani u përgjigj duke qëlluar me breshëri raketash balistike drejt Izraelit, ku vrau tre persona dhe plagosi dhjetëra të tjerë, tha zyrtari i IDF-së në një konferencë për media.

-Advertisement-

Zyrtari tha se sulmet në lokacionet bërthamore të Iranit në Natanz dhe Isfahan ishin në gjendje të dëmtonin lokacionet “ndjeshëm”. Irani më parë tha se dëmi në objekte ishte i kufizuar.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme