Sport

Bayern Muncheni ndalet nga Arminia Bielefeldi

Autori: Gazeta inFokus 22:33 | 15 February 2021

Pas pesë fitoreve rresht në kampionat, Bayern Muncheni është ndalur në barazim 3-3 nga Arminia Bielefeldi, në sfidën e vlefshme për xhiron e 21-të në Bundesligë, shkruan Gazeta inFokus.

Në takimin e zhvilluar në stadiumin ‘Allianz Arena’, serinë e golave e hapi mesfushori holandez, Michel Vlap, i cili realizoi në minutën e 9’ për rezultatin 0-1.

Mysafirët e dyfishuan epërsinë (0-2) në minutën e 37’ me anë të mesfushorit gjerman, Amos Pieper.

-Advertisement-

Pjesa e parë u mbyllë me rezultat 0-2 për Arminia Bielefeldit, kurse në 45 minutat e dytë ‘Bavarezët’ arritën ta barazonin rezultatin.

Kur po luhej minuta e 48’ ‘Bavarezët’ e ngushtuan rezultatin (1-2) me golin e shënuar nga sulmuesi polak, Robert Lewandowski.

Bielefeldi pas vetëm një minute arriti ta gjente edhe golin e tretë falë sulmuesit austriak, Christian Gebauer, i cili realizoi për shifrat (1-3).

Skuadra e drejtuar nga Hans-Dieter Flick e ngushtoi rezultatin (2-3) në minutën e 57’ me golin e mesfushorit francez, Corentin Tolisso.

Kampionët aktual të botës nuk u dorëzuan dhe në minutën e 70’ barazuan shifrat (3-3) me anë të mbrojtësit kanadez, Alphonso Davies.

Pas këtij barazimi Bayerni vazhdon kryesimi në Bundesligë me 49 pikë, kurse Arminia Bielefeldit mbetet e 16-ta me 18 sosh./Gazeta inFokus/

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

sport