Zgjedhjet 2021

Asllanaj : Bizneset e Suharkës storje suksesi për të gjithë vendin gjersa e ardhmja është në duart e rinisë

Autori: Gazeta inFokus 19:59 | 12 February 2021

Në ditën e fundit të fushatës zgjedhore, kandidati i LDK-së për deputet nga Komuna e Suharekës, Sali Asllanaj, ka zhvilluar disa takime. Gjatë takimit me bizneset e kësaj komune, Asllanaj ka përgëzuar sipërmarrësit suharekas për përkushtimin dhe sukseset e tyre.

“Bizneset e komunës sonë kanë treguar rezultate shumë të mira. Ju të nderuar sipërmarrës me suksesin tuaj keni arritur të keni shtrirje jo vetëm brenda Kosovës por keni tejkaluar edhe kufijtë e vendit tonë, dhe kjo na bën krenar jo vetëm mua por të gjithë qytetarët tanë. Do t’iu inkurajoja që të vazhdoni këtë rrugë, unë do të jem zëri dhe krahu juaj në Kuvendin e Kosovës”, ka thënë Asllanaj.

Kandidati i LDK-së për deputet nga Suhareka sot po ashtu vizitoi edhe QKMF-në në këtë komune, me ç’rast takoi edhe punonjësit e këtij institucioni, me të cilët bisedoi lidhur me problemet e tyre sidomos gjatë përballjes me pandeminë.

-Advertisement-

“Kjo periudhë në të cilën po kalojmë është e vështirë për të gjithë ne, sidomos për juve që u ballafaquat drejtpërsëdrejti me pandeminē COVID19. Nuk e kishit aspak të lehtë, lufta juaj ishte e vështirë dhe me të drejtë ju cilësoheni si heronjtë e vertetë. Pos pandemisë ju kishit edhe telashe të tjera që lidhen me kushtet e punës. Me qeverisjen e LDK-së, gjërat filluan të ndryshojnë por ka ende vend për përmirësime, dhe kjo do të ndodhë nëse ju ia jepni sërish besimin LDK-së”, ka thënë Asllanaj.

Ish kryetari i Komunës së Suharekës, Sali Asllanaj, në ditën e fundit të fushatës zgjedhore takoi edhe të rinjtë e kësaj komune. Ai kërkoi nga rinia e Suharekës që të dielën të dalin masivisht në zgjedhje dhe të angazhohen për një fitore bindëse të LDK-së.

Sali Asllanaj, ne listën zgjedhore të LDK-së mban numrin 41.