Sport

Artmotion siguron të drejtat ekskluzive të transmetimit të NBA edhe për pesë vjet

Autori: Gazeta inFokus 17:33 | 05 November 2025

Platforma më e madhe televizive dhe digjitale në vend, Artmotion, njofton me krenari zgjatjen e bashkëpunimit me National Basketball Association (NBA), duke siguruar të drejtat ekskluzive të transmetimit për pesë vitet e ardhshme në Kosovë.

Falë kësaj marrëveshjeje shumëvjeçare, shikuesit kosovarë do të vazhdojnë të shijojnë spektaklin më të madh të basketbollit botëror, duke përfshirë ndeshjet e sezonit të rregullt, Playoff-et, NBA Finals, si dhe ngjarje të veçanta si NBA All-Star Weekend, NBA Draft, NBA In-Season Tournament, dhe shumë evente të tjera ekskluzive.

Ky partneritet i ri e përforcon pozitën e Artmotion si platforma kryesore sportive në Kosovë, duke ofruar përmbajtje të pasur, komentim profesional dhe transmetime në cilësi të lartë HD për një përvojë shikimi të pakrahasueshme.

-Advertisement-

Përveç NBA-së, Artmotion mbetet destinacioni kryesor për ngjarjet më të mëdha sportive ndërkombëtare, përfshirë UEFA Champions League, Premier League, La Liga, Serie A, Europa League, Conference League, Formula 1, MotoGP, Judo, UFC, si dhe Superligën e Kosovës në Futboll dhe Basketboll, me transmetime ekskluzive për komunitetin sportdashës.Kjo ripërtrije e rëndësishme e bashkëpunimit me NBA-në konfirmon përkushtimin e Artmotion për të sjellë sportin më të mirë botëror në çdo shtëpi në Kosovë, duke ofruar përmbajtje premium dhe eksperiencë televizive të nivelit ndërkombëtar.