Lajme

Arrestohet një spiun zviceran në Gjermani

Autori: Gazeta inFokus 18:00 | 30 April 2017

Një shtetas zviceran është arrestuar në Frankfurt, nën dyshimin për spiunim.

Prokurorët federal në Gjermani kanë thënë se i arrestuar dyshohet se punon për një shërbim inteligjent të një qeverie të huaj që nga fillimi i vitit 2012, transmeton Express.

Raportohet se ai mund të kenë spiunuar rreth hetimeve tatimore gjermane.

-Advertisement-

Autoritetet tatimore në Gjermani mund të kenë blerë në mënyrë kontroverse CD të informatave nga informatorët në bankat zvicerane në tentim për t’i kapur banorët gjermanë me llogari bankare zvicerane.

Kjo çështje ka shkaktuar fërkime mes qeverive në Gjermani dhe Zvicër. Autoritetet në shtetet federale të Gjermanisë i kanë arsyetuar pagesat e majme duke thënë se informatat e marra mund të çojnë drejt rikthimit të shumave të mëdha të parave në tatime të papaguara.

Por, Zvicra mendon se t’i paguash njerëzit për të vjedhur informata nga bankat zvicerane është gabim.

Subscribe në YouTube: GAZETA INFOKUSI