Ekonomi

ARKEP ia ndalon Z-Mobilet shitjen e Sim-kartelave të reja

Autori: Gazeta inFokus 17:08 | 06 August 2019

Autoriteti Rregullativ i Komunikimeve Elektronike dhe Postare ia ka ndaluar Z-Mobile-t që të shes kartela SIM-kartela të reja, krijimin e pakove si dhe futjen në kontrata të reja me konsumatorët.

Përmes një komunikate për media, ARKEP ka treguar se pas takimeve të ndara me përfaqësuesit e Telekomit të Kosovës dhe të atyre të Dardafon.net, e ka marrë këtë vendim, shkruan Gazeta inFokus.

Nga takimet e zhvilluara gjatë së martës, sipas komunikatës bordi i ARKEP-it është njoftuar për të gjitha veprimet e ndërmarra deri më tani nga të dyja palët, si dhe me vendimin për mos-vazhdimin e kontratës mes Telekomit e Z-Mobile.

-Advertisement-

“Duke pasur parasysh rëndësinë e këtij procesi si dhe me qellim te zbatimit të plotë të Kornizës Rregullatore, ARKEP ka kërkuar që deri në përmbyllje të procesit:

– Palët e involvuara në këtë proces të mos-ndërmarrin veprime të njëanshëme të cilat do të mund të dëmtonin konsumatorin, me të cilën kërkesë janë pajtuar të dy palët.

– Operatori Dardafon.net gjatë kësaj faze të mos vendos në treg SiM kartela të reja, të mos krijoj pako/produkte të reja si dhe të mos hyjë në kontrata të reja me konsumatorët.

Bordi i ARKEP do ta njoftoj opinion me kohë për çdo hap që do të ndërmarrë në lidhje me këtë proces të cilin është duke e trajtuar me prioritet të lartë. Pas marrjes së informacioneve shtesë nga operatorët gjatë ditëve në vijim dhe analizimit të praktikave evropiane, ARKEP do të marr vendime nëse janë të nevojshme në lidhje me këtë proces, sidomos me qëllim të ruajtës së vazhdimësisë së shërbimit për konsumatorët”, theksohet në komunikatë. /Gazeta inFokus