Sport

Arb Manaj flet nga Turqia, tregon më të rejat rreth tij dhe klubit Bandirmaspor

Autori: Gazeta inFokus 21:55 | 30 September 2021

Arb Manaj karrierën e tij prej futbollisti e nisi në qytetin e Klinës te klubi i Dukagjinit, shkruan Gazeta inFokus.

Me pas sulmuesi klinas u transferua te Trepça ’89, nga ku edhe arriti te kalonte në Turqi te skuadra e Ankara Keciörengücü.

Manaj aktualisht është i huazuar nga Ankara Keciörengücü te Bandirmaspori, ekip që bënë pjesë në Ligën e Parë të Turqisë.

Gazeta inFokus ka realizuar një intervistë të shkurtë me Arb Manaj, i cili po e ndihmon Bandirmasporin për inkuadrimin në Superligën e Turqisë.

“Sezoni ka nisur shumë mirë edhe pse kemi pasur disa lojtarë të formacionit te parë me ‘Covid-19’, por kemi arritur të fitojmë 4 ndeshje në 7 javët e para dhe shpresojmë të vazhdojmë kështu”, tha fillimisht Manaj.

Me pas 23 vjeçari foli për formën e tij dhe objektivin e klubit.

“Te them te drejtën kam bërë shumë paraqitje të mira vetëm goli me ka munguar, por edhe ai do te vijë shumë shpejt. Objektivi kryesor është zona e Play-Off, por edhe inkuadrimi direkt në Superligën e Turqisë”, deklaroi Manaj për Gazetën inFokus.

Për fund ai foli edhe për ftesën e kombëtares së Kosovës, ku theksoi se gjithmonë është i gatshëm për ta pranuar ftesën e vendit të tij.

“Akoma nuk kam pranuar ftesë nga kombëtarja, por unë gjithmonë jam i gatshëm me i’u përgjigj ftesës së Kosovës sa herë që vendi im ka nevojë për mua”, përfundoi Arb Manaj.

Sulmuesi nga Klina ishte i ftuar nga kombëtarja e Kosovës në muajin qershor, kur ‘Dardanët’ zhvilluan dy ndeshje miqësore në Antalya të Turqisë ndaj Guinesë e Gambisë.

Madje ndaj Guinesë, Manaj realizoi goli e parë me fanellën e kombëtares së Kosovës./Gazeta inFokus/

Nuk ka asnjë përshkrim të disponueshëm

Të tjera