Sport

Analizat përgënjeshtrojnë Icardin, nuk ka probleme me gjurin

Autori: Gazeta inFokus 07:36 | 21 February 2019

Një javë më parë Interi vendosi t’i heqë shiritin e kapitenit, sulmuesit Mauro Icardi dhe që prej atëherë ky i fundit nuk është stërvitur asnjëherë me grupin, duke akuzuar një problem në gjurin e djathtë.

Pikërisht për këtë arsye, drejtuesit e klubit zikaltër kanë urdhëruar kryerjen e të gjitha analizave të nevojshme ndaj sulmuesit, për të kuptuar nëse problemi ekziston vërtetë dhe nëse po, sa i rëndë është.

Mëngjesin e sotëm, argjentinasi iu drejtua një qendre shëndetësore në Milano, i shoqëruar nga bashkëshortja menaxhere, Wanda Nara, por edhe nga babai i tij, duke kryer analizat e nevojshme dhe një rezonancë magnetike për gjurin.

-Advertisement-

Pak më vonë, ka qenë sërish klubi zikaltër, që nëpërmjet një komunikate ka njoftuar se rezonanca nuk ka treguar asnjë lloj problemi në gjurin e sulmuesit, ndërsa tashmë mbetet për të parë se cilët do të jenë hapat në vijim mes palëve.

Subscribe në YouTube: GAZETA INFOKUSI