Amerika i’a anulon vizitat njerëzve të Albin Kurtit, Genc Nimonit e Albert Selimit, nuk shkon as Dimal Basha
![](https://gazetainfokus.com/wp-content/uploads/2023/06/Ballina-92.png)
Autori: H.Smajli
16:57 | 29 June 2023
Situata në veri të Kosovës ka bërë që Departamenti Amerikan i Shtetit të anulojë vizitën e shefit të kabinetit të Ministres së Drejtësisë, Albulena Haxhiut dhe një zyrtari tjetër të kësaj ministrie, vizitë kjo që parashihte edhe një trajnim dhe dy zyrtarët e MD-së ishin ftuar zyrtarisht nga Amerika.
Gazeta Infokus mëson nga burime të saj se të ftuar në këtë vizitë ishin shefi i kabinetit të Haxhiut, Genc Nimoni dhe Albert Selimi, zyrtar i lartë për koordinim të politikave nga Ministria e Drejtësisë dhe po ashtu edhe dy përfaqësues nga Kuvendi, që nga pozita ishte ftuar deputeti, Dimal Basha dhe nga opozita deputetja e LDK-së, Hykmete Bajrami.
Si përfundim e vetmja që mori pjesë në këtë vizitë ishte deputetja e LDK-së, shkruan Gazeta Infokus.
Kjo sepse Departamenti Amerikan i Shtetit vendosi që këtë vizitë ta anulonte për pjesëmarrësit nga qeveria por jo edhe për ata nga Kuvendi i Kosovës.
Nga burime të Gazetës Infokus është konfirmuar se pasi departamenti Amerikan i Shtetit ua anuloi vizitën dy zyrtarëve të MD-së, edhe deputeti i Lëvizjes Vetëvendosje, Dimal Basha e anuloi vizitën vetëm dy ditë para nisjes “për shkak të solidarizimit” me dy “kolegët” e tij nga qeveria.
Kjo vizitë zyrtare që përfshinte edhe një trajnim ishte paraparë të ndodhte me 10 qershor të këtij muaji.
Gazeta Infokus ka provuar të kontaktojë me deputetin Dimal Basha, shefin e kabinetit të MD-së, Genc Nimonin si dhe me zëdhënësin e qeverisë së Kosovës, por asnjëri nga ta nuk kanë qenë të qasshëm.
Kujtojmë që ambasadori i Amerikës në Kosovës, Jeffrey Hovenier, në një diskutim me gazetarët pasi u tensionua situata në veri të Kosovës, kishte deklaruar se do të çuditej nëse në këtë kohë ndonjë zyrtar nga qeveria do të kishte ndonjë vizitë zyrtare drejt SHBA-së.
“Do të çuditesha nëse në këtë situatë, zyrtarët e Kosovës do të kishin ndonjë vizitë bilaterale të nivelit të lartë me ndonjë zyrtarë amerikanë, apo anasjelltas”, kishte deklaruar ai.
Ndryshe sanksione ndaj Kosovës ka vendosur edhe Bashkimi Evropian për shkak t situats ne veri dhe kritikave që pushteti i bëri qëndrimeve të përfaqësuesve të BE-së.
Këtë e ka konfimruar sot edhe vetë kryeministri Kurti i cili ka thënë se Komisioni Evropian dje ka prezantuar para Paralamentit Evropian listën e masave kundër Kosovës.
Megjithatë Kurti ka deklaruar se tek Kosova, BE-ja e gjen partnerin dhe aleatin më të sinqertë.
“Komisioni Evropian dje ka prezantuar para Parlamentit Evropian një listë të masave kundër Kosovës. Bashkimi Evropian te Kosova e gjen aleatin partnerin dhe aleatin e saj më të sinqertë dhe të qëndrueshëm në rajon sipas vlerave evropiane, parimeve demokratike dhe interesave afatgjate. Kosova të tillë e ka qeverinë, të tillë popullin”, ka thënë Kurti.
Derisa për kritikat që vetë ai por edhe zyrtarë të partisë së tij i kanë bërë vazhdimisht aleatëve të Kosovës, kryeministri ai ka thënë se “në raste kemi qenë kritik ndaj BE-së por asnjëherë cinik as të hidhëruar”./Gazeta Infokus/
![](https://gazetainfokus.com/wp-content/uploads/2024/04/gatuaj-shqip1.jpg)
Të tjera
-
Oda Amerikane: Qeveria të përmbahet nga masat që përjashtojnë Kosovën nga nismat rajonale
Oda Ekonomike Amerikane në Kosovë i ka vlerësuar si shqetësuese paralajmërime...
-
Sesioni vjeshtor në Kuvend nisi me një mysafir special
Ka nisur sot sesioni vjeshtor në Kuvendin e Kosovës. Kryetari i Parlamenti...
-
Sekuestrohet në Skënderaj arma e zjarrit e postuar në rrjete sociale
Policia e Kosovës në Skënderaj ka identifikuar personin e dyshuar pasi i njëj...
-
Meteo Kosova alarmon për përmbytje: Përfshihen edhe Shqipëria dhe Mali i Zi
Faqja e parashikimit të motit, Meteo Kosova ka bërë thirrje për kujded, duke ...
-
Konflikti “Sekiraqa-Capat”: Arrestohet edhe një person për manipulim me prova
Policia e Kosovës ka arrestuar edhe një person për konfliktin e armatosur mes...
-
Një burrë sụlmon një grua në Fushë Kosovë
Një burrë është arrestuar në Fushë Kosovë, pasi dyshohet ka ushtruar dhunë fi...
-
Tërnava kritikon “Lëvizjen e Deçanit”: Po e prish harmoninë dhe bashkëjetesën ndërfetare
Myftiu i Kosovës, Naim Tërnava, e ka kritikuar “Lëvizjen e Deçanit”, e cila p...
-
Donald Trump një aset de facto rus, mendon ish-zyrtari i FBI-së i shkarkuar nga ai
Donald Trump mund të shihet si një aset rus, megjithëse jo në kuptimin tradic...
-
Kamenica nënshkruan marrëveshje për 70 njësi banimi
Komuna e Kamenicës ka nënshkruar marrëveshje me ministrin e Ministrisë së Mje...
-
Arrestohet 34-vjeçari në Prishtinë, vodhi veturën e një mërgimtari
Policia e rajonit të Prishtinës, në të vërtetë, njësiti i hetimeve të kryeqyt...
-
Tahiri: Kosova po përjeton izolim të paparë
Ish-kryenegociatorja e Kosovës në dialogun Kosovë-Serbi, Edita Tahiri, ka thë...
-
Rikthehet njëri nga emisionet më të shikuara “Podcast me Shkëlzen Dakaj”
Nga java e ardhshme me 20 Shtator, rikthehet njëri nga emisionet më të shikua...