Lajme

Ambasada britanike lanson projektin “Mbështetje shoqërisë civile për rritjen e mbikëqyrjes publike dhe llogaridhënies së institucioneve publike të Kosovës”

Autori: Gazeta inFokus 14:47 | 15 June 2022

Ambasada e Britanisë së Madhe në Kosovës ka lansuar projektin e ri “Mbështetje shoqërisë civile për rritjen e mbikëqyrjes publike dhe llogaridhënies së institucioneve publike të Kosovës”, shkruan Gazeta Infokus.

Ky projekt është lansuar me konsorciumin e tri organizatave të shoqërisë civile siç janë Group for Legal and Political Studies, Instituti GAP dhe Institute for Development Policy (INDEP).

Sipas kësaj ambasade, ky projekt do të fokusohet në monitorimin e proceseve të rekrutimit, praktikave të prokurimit publik, shpërndarjen e granteve dhe subvencioneve, dhënien e licencave dhe tarifave dhe performancën e ndërmarrjeve në pronësi publike.

“Presim me padurim këtë partneritet me institucionet publike të Kosovës dhe OSHC-të në përpjekjet tona të përbashkëta për të forcuar llogaridhënien, transparencën dhe qeverisjen e mirë”, thuhet në postimin e Ambasadës britanike./Gazeta Infokus

Të tjera