Alarmante: Trepça çdo vit e më keq
Autori: Sylejman Sylejmani 19:53 | 17 January 2019
Pak më shumë se 183 mijë ton xehe, 4436 ton koncentrat plumb e rreth 5054 ton koncentrat zink prodhoi miniera e Stan Tërgut në vitin 2017.
Kështu tregojnë disa të dhëna të njësive prodhuese të Trepçës, të siguruara nga Gazeta inFokus.
Sipas tyre, shumë më pak se miniera e Stan Tërgut, ka prodhuar ajo e Artanës.
Atje në vitin 2017 u prodhuan 51 ton xehe, 1132 koncentrat plumb, e 2565 koncentrat zink.
Prodhimi në këto dy miniera ishte më i vogël, krahasuar me vitin 2016.
Që nga paslufta, të dy minierat prodhimin e kanë kryesisht të njëjtë ndër vite.
Teksa analizon me kujdes statistikat e ndërmarrjes Trepça, të cilën e menaxhoi me shumë sukses për shumë vite, ish drejtori i minierës së Stan Tërgut, Burhan Kavaja i komenton me dëshpërim ato.
Ai nuk po e përjeton aspak mirë gjendjen në të cilën ka mbetur gjiganti i dikurshëm metalorgjik.
Kavaja në një intervistë të gjatë për Gazetën inFokus, e cila do të publikohet e plotë të premten, ka dhënë zgjidhjen e tij se si do të duhej të dilej nga kjo krizë.
Me një plan biznesi të mirë, me investime e me përgatitjen e minierës për shfrytëzim racional, eksperti i minierave thotë se do të mund të fillonte zgjimi i shumë dëshiruar i gjigantit që është në ‘gjumë’ të thellë qe shumë vite.
“Nuk është vonë. Trepça mundet tash e tutje me e pas një plan të biznesit, i cili bazohet pikësëpari në investime dhe përgatitjen e minierës për shfrytëzim racional. Me pas një plan të fuqisë punëtore ku përfshihen minatorët, e jo nepotizmi edhe punësimi i të gjithë atyre që nuk kanë lidhje me prodhim drejt për së drejti”, vlerëson ai.
Si në jug, ashtu edhe në veri, Kavaja thotë se Trepça është e ngarkuar me fuqi punëtore e cila nuk është produktive.
“Trepça si në jug edhe në veri është e ngarkuar me fuqi punëtore e cila nuk është produktive, nuk është në gjendje profesionale të bëj shfrytëzimin e duhur, por vetëm t’i punësojë militantët partiak dhe ata të cilët janë farefis. Kurfarë arsye nuk ka që afër 1.300 punëtorë që punojnë në Trepçë në Jug, me një prodhim i cili është pesë herë më i vogël se në kohën kur janë prodhu në Trepçë 801 mijë ton në vjet në Stan Tërg, ose gjithsej afër 2 milionë ton xehe në tërë Kosovën, Veri, Jug, Hajvali e të tjera”, tregon Kavaja.
Deri tani, sipas tij Trepça është shfrytëzuar në mënyrë të egër, pa u bërë investime.
Megjithatë, këtij shfrytëzimi ai thotë se i ka ardhur fundi.
“Ky shfrytëzim i cili bëhet në mënyrë shumë të egër pa investime paraprake, në pjesët e përgatitjes së minierës e ka kufirin e vet, sipas të gjitha gjasave ka ardhë ky kufi, ku janë ngulfatë minierat dhe nuk mund të shfrytëzohen më që të ketë një prodhim me lavërdi ekonomike të arsyeshëm”, vlerëson Kavaja.
Ai në intervistën që do të publikohet të premten, ka komentuar edhe zotimin e ministrit të Zhvillimit Ekonomik, Valdrin Lluka, i cili ka thënë se shumë shpejt do të fillojë rimëkëmbja e Trepçës.
Këtë deklarim, Kavaja e ka konsideruar si të pabazuar në gjendjen faktike.
Kavaja ka folur edhe për kërkesat e punëtorëve të Trepçës për rritje pagash.
Ai ka vlerësuar se në Trepçë ka njerëz që nuk punojnë, e të cilët po kërkojnë t’u rriten pagat./Gazeta inFokus/
Lexo dhe:
https://gazetainfokus.com/renia-e-gjigantit-fakte-per-humbjet-financiare-te-trepces/
Të tjera
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...
-
Vràsja e Gjyljeta Ukellës, dëgjoni hoxhë Enes Gogën i cili tregon se çfarë ndodhi sot në ditën e premte
“Nëse dikush guxon me privu nga jeta pa të drejtë, një person tjetër atëherë ...
-
O’Brien zbarkon në Beograd, nesër mban takim me Vuçiqin
Ndihmëssekretari i Byrosë për Çështje Evropiane dhe Euroaziatike i Departamen...
-
Vazhdon akuzat Sanduloviq: Me urdhër të kujt po kërcëńohet, përgjohet dhe ndiqet vajza ime?
Politikani serb, Nikola Sanduloviq, ka treguar detaje të reja nga rasti i hed...
-
Lajçak: Nuk ka të ardhme evropiane për Kosovën e Serbinë pa normalizim të marrëdhënieve
Emisari special i Bashkimit Evropian për dialogun ndërmjet Kosovës dhe Serbis...
-
Kryetari i Zubin Potokut për referendumin e së dielës: Nuk do të këtë sukses dhe s’do të dal të votoj
Kryetari i Zubin Potokut, Izmir Zeqiri ka vlerësuar se referendumi i së dielë...
-
Në OKB kërkohet që Gjenocidi në Srebrenicë të dënohet globalisht
Gjenocidi në Srebrenicë duhet të dënohet në nivel global, duhet të shprehet m...
-
Çka po synon Serbia me testimin e ąrmëve në kufi me Kosovën, flasin ish-ushtarakët
Ish-ministri i Punëve të Brendshme, Bejtush Gashi ka thënë se stërvitjet usht...