Lajme

Aktivisti që u dorëhoq nga VV: Më qitën për krahu jashtë, duan jo delegatë, por dele gatë

Autori: Gazeta inFokus 18:57 | 23 May 2022

Blerim Saramati, ish-anëtari i Lëvizjes Vetëvendosje i cili dje dha dorëheqje nga kjo parti, tha se e kanë larguar fizikisht nga zyret e LVV-së pas zgjedhjeve të fundit lokale.

Në Frontal të T7, Saramati tha se në VV ka “diktat” dhe se dega në Prizren udhëhiqen nga një grup i ngushtë, në krye të së cilit tha se qëndron deputeti Artan Abrashi.

“Nuk ka më keq e më shumë sesa me të kapë për krahu dhe me të qitë jashtë përjashta prej zyreve të Lëvizjes pse ti ke dalë kundër tyre”.

-Advertisement-

“Më kanë hapë për krahu dhe më kanë qitë jashtë zyreve të Lëvizjes me arsyen se ‘na i ke humbë zgjedhjet në Prizren, e ke ndihmu Shaqir Totajn’”, theksoi Saramati.

Sipas tij, “me këta njerëz, asnjë mundësi nuk e kanë” LVV-ja që të kthehet në pushtetin lokal në Prizren.

Ai tregoi një rast kur në mbledhjen e Këshillit të Përgjithshëm të LVV-së, tani zëvendëskryeministri Besnik Bislimi e kishte akuzuar një delegat.

Këta kanë dëshirë me pasë jo delegatë. Kanë dëshirë me pasë dele gatë; dele gatë. E ky nuk ishte dele gatë, por ishte delegat”, tha Saramati.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera

Fokusi

lajme