Lajme

Aksion me autoritetet amerikane, arrestohet në Prizren i dyshuari për krim kibernetik

Autori: Gazeta inFokus 17:15 | 16 July 2026

Policia ka njoftuar se një person është arrestuar në rajonin e Prizrenit nën dyshimin se ka siguruar në mënyrë të paautorizuar të dhëna të kartelave bankare dhe informacione personale të shtetasve të Shteteve të Bashkuara të Amerikës, të cilat më pas i ka publikuar në platforma online për keqpërdorim.

Sipas një komunikate të përbashkët të Policisë së Kosovës dhe Prokurorisë Speciale të Republikës së Kosovës, aksioni është zhvilluar nga Drejtoria e Hetimit të Krimeve Kibernetike, në koordinim me Prokurorinë Speciale dhe me urdhër të Gjykatës.

Autoritetet bëjnë të ditur se hetimi është realizuar në bashkëpunim me autoritetet e Shteteve të Bashkuara të Amerikës.

-Advertisement-

Sipas dyshimeve, i arrestuari, me qëllim të përfitimit të kundërligjshëm, ka siguruar në mënyrë të paautorizuar të dhëna të kartelave bankare dhe të dhëna personale, kryesisht të shtetasve amerikanë, të cilat më pas i ka vënë në dispozicion për keqpërdorim duke i publikuar në platforma të caktuara online.

Gjatë kontrollit në një lokacion në rajonin e Prizrenit janë sekuestruar prova relevante që lidhen me rastin.

Me vendim të prokurorit, i dyshuari është ndaluar për 48 orë, ndërsa hetimet janë duke vazhduar. Policia dhe Prokuroria kanë bërë të ditur se veprimet e mëtejshme do të ndërmerren në koordinim me autoritetet amerikane.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy