Aksion i madh i Policisë në gjithë Kosovën: Mbyllen 19 lokale, arrestohen 15 persona për prostitucion dhe lëmoshë me fëmijë
Autori: Gazeta inFokus
14:09 | 08 July 2026
Policia e Kosovës ka njoftuar se gjatë zbatimit të planit operativ “Ditët e Veprimit të Përbashkët JAD Global Chain 2026”, të realizuar nga 8 deri më 12 qershor në bashkëpunim me EUROPOL-in, INTERPOL-in dhe FRONTEX-in janë inspektuar 59 lokale me muzikë live dhe 62 qendra masazhi, ndërsa për shkelje administrative janë mbyllur nëntë lokale dhe 10 qendra masazhi.
Policia ka evidentuar shtatë raste të kërkimit të lëmoshës me fëmijë, duke arrestuar shtatë gra dhe duke iniciuar raste për dyshimin e veprës penale “Keqtrajtim apo braktisje e fëmijës”.
Po ashtu, janë evidentuar katër raste të kundërvajtjes “Marrje me prostitucion” (Eskorta), ku janë arrestuar tetë persona.
Komunikata e plotë:
Realizohet Plani Operativ ‘Ditët e Veprimit të Përbashkët JAD Global Chain 2026 – Qershor 2026’
Prishtinë, më 8 korrik 2026
Policia e Kosovës, konkretisht Drejtoria për Hetimin e Trafikimit me Qenie Njerëzore, nga data 8 deri 12 qershor 2026, ka realizuar Plani Operativ ‘Ditët e Veprimit të Përbashkët JAD Global Chain 2026 – Qershor 2026’. Aktivitete e këtij plani kanë qenë të koordinuara më EUROPOL, INTERPOL, FRONTEX etj.
Bazuar në planin e përgatitur ‘Ditët e Veprimit të Përbashkët JAD Global Chain 2026 – Qershor 2026’, janë realizuar aktivitete si vijon:
-Operacione në rrugë, sheshe dhe qendra tregtare për identifikim të fëmijëve në situatë rruge si viktima të mundshme të trafikimit,
-Operacione të përbashkëta me inspektor të MINT, ATK dhe Inspektor të Punës në inspektimin/Kontrollimin e lokaleve (Muzik Live)
-Operacione të përbashkëta me inspektor të MINT, ATK dhe Inspektor të Punës në inspektimin/Kontrollimin e Qendrave të Masazhit, si dhe
-Plani taktik lidhur me Eskorta
Gjatë realizimit të planit operativ kanë qenë të angazhuar edhe njësit policore mbështetëse nga: Departamenti i Kufirit DMH, Njësit Speciale NJSO, NJRSH, DHTN dhe zyrtar nga DRP-të, ndërsa bashkëpunim ndërinstitucional: Inspektor nga inspektorati Qendror i tregut -MINT, Inspektorati Qendror i Punës, Inspektor nga Administrata Tatimore e Kosovës, si dhe zyrtar nga Qendrat për Punë Sociale.
Rezultatet nga këto operacione ishin:
– Inspektimi/kontrollimi i 59 Lokaleve (Muzike Live) në tërë territorin e Republikës së Kosovës, ku janë hasur gjithsej 420 persona, prej tyre 317 femra dhe 109 meshkuj, prej tyre 186 shtetas të Kosovës ndërsa 234 shtetas të huaj (220 femra shtetase të Shqipërisë, 9 femra shtetase të Serbisë, 4 femra shtetase te Maqedonia e Veriut, 1 femër shtetase e Bullgarisë).
Prej këtyre lokaleve të inspektuara 6 lokale janë gjetur të mbyllura, ndërsa për shkelje administrative nga Inspektorët e MINT janë mbyllur 9 lokale te muzikës live.
– Inspektim i 62 ‘Qendrave të Masazhi’t, në tërë territorin e Republikës së Kosovës, ku janë hasur gjithsej 104 persona, 89 femra dhe 15 meshkuj, prej tyre 60 shtetase të Kosovës ndërsa 45 shtetase të huaj (23 femra shtetase te Shqipërisë, 17 femra shtetase të Tajlandës, 3 femra shtetase të Filipinase, dhe 1 femër shtetase e Malavisë).
Prej këtyre lokaleve ‘Qendra Masazhi’, 10 janë mbyllur për shkelje administratave nga Inspektorët.
– Gjatë realizimit të këtij plani, nuk është identifikuar ndonjë rast i veprës penale ‘Trafikimit me njerëz’.
– Janë evidentuar gjithsejtë 7 raste dhe janë arrestuar 7 femra, prej tyre 4 femra shtetase të Shqipërisë, 1 femër shtetase e Malit të Zi dhe 2 femra shtetase të Kosovës, të cilat janë hasur me fëmijët e tyre në rrugë dhe sheshe duke kërkuar lëmoshë. Trembëdhjetë fëmijë, pas trajtimit në bashkëpunim me ‘Qendrat për Pune Sociale’, janë iniciuar rastet për dyshimin e kryerjes se veprës penale “ Keqtrajtim apo braktisje e fëmijës”.
– Gjatë këtij plani janë evidentuar edhe 4 raste të veprës kundërvajtësve “Marrje me Prostitucion” – Eskorta ku me këtë rast janë arrestuar gjithsejtë 8 persona prej tyre ( 4 meshkuj kosovarë dhe 4 femra: 2 shtetase të Brazilit dhe 2 shtetase të Kolumbisë).
Gjatë realizimit të këtij plani, të gjitha punëtoreve të hasura duke punuar në ‘Lokale të muzikës’, ‘Qendra Masazhi’ dhe ‘Esacorta’ u është dhënë mundësia e deklarimit nëse ndonjëra nga to është viktimë e ndonjë forme të shfrytëzimit (trafikimit), mirëpo nuk ka rezultuar me ndonjë rast.

T� tjera
-
Greva në Belgjikë, nesër pritet të ketë ndërprerje të fluturimeve
Një protestë kombëtare e organizuar nga tri sindikatat kryesore në Belgjikë p...
-
Djali i Dautit e Kadriut bashkë me shokë bëjnë një dedikim të veçantë për Jakup Krasniqin
Djemtë e ish-luftëtarëve të Ushtrisë Çlirimtare të Kosovës kanë bërë një dedi...
-
Në Llapushnik të Drenasit zbulohen bustet e tri figurave të mëdha kombëtare
Sot në Llapushnik të Drenasit janë zbuluar bustet e Pjetër Bogdanit, Gjergj K...
-
Qeveria e Kosovës nderon figurat historike në 118-vjetorin e Kongresit të Manastirit
Qeveria e Kosovës ka përkujtuar 118-vjetorin e Kongresit të Manastirit, duke ...
-
NATO mblidhet të hënën pas shkeljes së hapësirës ajrore të Polonisë nga objektet ruse
Këshilli i Atlantikut të Veriut i NATO-s do të mblidhet të hënën për të disku...
-
“Prishtina Parking” rikthehet me çmime më të larta, qytetarët kundërshtojnë rritjen e tarifave
Rikthimi i ndërmarrjes “Prishtina Parking” në kryeqytet pritet të bëhet me rr...
-
Sadiku kritikon Kurtin për situatën energjetike: Kemi qymyr nën tokë, por s’kemi rrymë mbi tokë
Deputeti i Lidhjes Demokratike të Kosovës (LDK), Ermal Sadiku, ka kritikuar Q...
-
Hykmete Bajrami kërkon përgjigje publike nga ZRRE për licencën e kompanisë EFT
Deputetja e LDK-së, Hykmete Bajrami, i ka kërkuar Zyrës së Rregullatorit për ...
-
Dita e Alfabetit, Haxhiu: Gjuha shqipe është pasuria që na bashkon
Përmes një postimi në Facebook, Haxhiu përkujtoi 22 nëntorin e vitit 1908, ku...
-
“Të jeni gjenerata e fundit që lindni në luftë”, mesazhi prekës i Hashim Thaçit i vitit 2018 që u publikua sërish
Ekipi i ish-presidentit të Kosovës, Hashim Thaçi, ka publikuar në profilin e ...
-
Gjykata Speciale konfirmon kthimin e Jakup Krasniqit në Hagë: Kishte arsye humanitare bindëse për vizitën
Gjykata Speciale bëri të ditur dje pas orës 17:00 se Jakup Krasniqi është kth...
-
Dita e Alfabetit, Presidentja: Shqipja është trashëgimia e përbashkët, një nga dëshmitë më të fuqishme të qëndresës sonë ndër shekuj
Presidentja e Kosovës, Justina Shiroka Pula tha se “Alfabeti i gjuhës shqipe ...

































