Lajme

Ahengu me armë në Skenderaj: Babai dyshohet se ia dha pistoletën 16-vjeçarit për të shtënë, Policia bastis shtëpinë

Autori: Gazeta inFokus 09:00 | 30 July 2026

Një aheng familjar në fshatin Kozhicë të Skenderajt është shndërruar në objekt hetimi policor, pasi të shtënat me armë zjarri gjatë festës çuan në identifikimin e dy personave të dyshuar, babë e bir.

Sinjali mëson se të dyshuarit janë Faik Beqiri, rreth 47 vjeç, dhe djali i tij, E. Beqiri, rreth 16 vjeç.

Ngjarja kishte ndodhur më 26 korrik, rreth orës 21:20, kur Policia u njoftua për të shtëna me armë gjatë një ahengu familjar në rrugën “Halim Brahimi” në fshatin Kozhicë. Me të arritur në vendin e ngjarjes, pronari i shtëpisë kishte pranuar se gjatë ahengut ishin dëgjuar të shtëna me armë.

-Advertisement-

Gjatë ekzaminimit të vendit të ngjarjes, njësitë policore dhe Krim-Teknika sekuestruan gjithsej 46 gëzhoja të kalibrave të ndryshëm, përfshirë 35 gëzhoja të armës me gaz (9 mm), 3 gëzhoja të kalibrit 7.62 mm TT, 3 gëzhoja të kalibrit 9×19 mm dhe 5 gëzhoja të kalibrit 8 mm. Këto prova ngritën dyshime se gjatë ahengut ishin përdorur më shumë se një armë.

Hetimet vijuan edhe pas ngjarjes, ndërsa më 29 korrik, me urdhër të Prokurorit të Shtetit, Policia realizoi bastisje në një shtëpi në fshatin Klinë e Mesme të Skenderajt.

Gjatë bastisjes u sekuestrua një armë e shkurtër me gaz, për të cilën dyshohet se ishte përdorur gjatë ahengut. Sipas dyshimeve të hetuesve, arma i përkiste Faik Beqirit, i cili dyshohet se ia kishte dhënë djalit të tij 16-vjeçar, E. Beqirit, për ta përdorur gjatë festës familjare.

Të dy të dyshuarit janë intervistuar nga hetuesit, ndërsa me vendim të Prokurorit të Shtetit janë liruar në procedurë të rregullt.

Rasti është duke u hetuar për veprat penale “Përdorim i armës” dhe “Mbajtje në pronësi, kontroll ose posedim të paautorizuar të armës”.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy