Fokus

A ka qenë Gjyljeta Ukella e strehuar në “Shtëpinë e Sigurt” në Pejë para vràsjes tragjike, flet kryetarja e bordit të strehimores së grave

Autori: Gazeta inFokus 10:05 | 17 January 2025

Kryetarja e Bordit të strehimores së grave në Pejë, Xhenet Syka Kelmendi ka folur për vrasjen tragjike të Gjyljeta Ukellës, shkruan Gazeta Infokus.

Ajo në emisionin “Gratë N’Fokus me Meme Smajlin”, ka treguar se a ka qenë Ukella ndonjëherë e strehuar në “Shtëpinë e Sigurt”, në Pejë”?.

“E them me përgjegjësi të plotë jo se cdo gjë që e dini ju edhe qytetarët e Pejës e kanë kuptuar në media dhe në bazë të bisedave por fatkeqësisht pas fatalitetit që konsideroj që është shumë vonë, për këtë arsye roli ynë është që të reagojmë deri diçka nuk bëhet vonë sepse kur bëhet vonë frika rritet, paniku rritet, kronika e zezë rritet dhe asgjë nuk shkëlqen dhe këto detaje e kanë kuptuar jo vetëm në Pejë por edhe gjithandej opinionit publik pas fatalitetit përndryshe konstatoj se Gjyljeta Ukella e ndjerë tashmë asnjëherë nuk ka qenë e strehuar tek shtëpia e sigurt në Pejë”, ka thënë Kelmendi në emision e që është prodhim i Gazetës Infokus.

-Advertisement-

Gjyljeta Ukella u vra në banesën e saj në Pejë, nga bashkëshorti i saj, Edmon Lajçi më 26 prill të 2024.

Pas kryerjes së krimit, Lajçi ishte vetëdorëzuar në Polici, duke e pohuar se ka privuar nga jeta bashkëshorten e tij, Gjyljetën. Ai dyshohet se e vrau me një plumb në ballë derisa ajo po pinte kafen e mëngjesit.

Ndryshe Gjykata Themelore në Pejë e kishte aprovuar kërkesën e prokurorisë që Edmond Lajçit të i caktohet masa e paraburgimit.

Ndërkaq Kelmendi në emisionin “Gratë N’Fokus”, ka folur edhe për gratë në përgjithësi, për pozitat menaxhuese, vrasjet, gazetarinë, politikën e shumë të tjera.

Xhenet Syka Kelmendi është edhe kandidate për deputete në zgjedhjet e 9 shkurtit e cila garon me numër 60 nga Lidhja Demokratike e Kosovës./Gazeta Infokus/

Për të parë më shumë ndiqeni emisionin e plotë:

Subscribe në YouTube: GAZETA INFOKUSI
Etiketa:
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

fokus