Nuk është hera e parë dhe me siguri as e fundit që seriali i animuar ‘The Simpsons’ parashikon në një farë mënyrë ngjarjet kryesore në botë. Ndjekësit e serialit kanë vënë re disa paralelizma midis trazirave të fundit të ekstremit të djathtë në Capitol Hill dhe një episodi të vitit të kaluar të The Simpsons. Seriali nxjerr çdo vit një episod rreth Halloween-it dhe episodi i transmetuar me 1 nëntor 2020 titullohej “Treehouse of Horror” (Shtëpia në pemë e frikës).

Ky episod e pasqyronte vendlindjen e familjes Simpsons, Springfield në një skenë apokaliptike. Vendi po digjej dhe në rrugë kishte automjete të përmbysura dhe dritare të thyera sepse Homer Simpson ishte i pavendosur se për kë të votonte. Në këtë episod ngjarjet zhvillohen në Ditën e Përurimit të vitit 2021.

Imazhet kanë një ngjashmëri të habitshme me protestuesit e së mërkurës pro-Trump që hynë në ndërtesën e Kapitolit, duke rezultuar në vdekjen e katër personave.

Kjo nuk është hera e parë që The Simpsons është një hap përpara historisë. Shfaqja, e cila po zhvillohet për më shumë se 30 vjet, duket se po parashikon gjithçka, nga koronavirusi (Sezoni 4 “Marge in Chains”) tek Donald Trump që bëhet president (Sezoni 11 “Bart to the Future”).