Ekonomi

A e dini sa para i merr një i moshuar në Kosovë?

Autori: Gazeta inFokus 10:30 | 02 October 2018

Janë mbi 122 të moshuar mbi moshën 65 vjeçare në Kosovë, të cilët çdo muaj marrin nga 75 euro pension të pleqërisë. Nga janari i vitit të ardhshëm kjo shumë pritet të rritet.

Kështu ka premtuar ministri i Financave të Kosovës, Bedri Hamza në një intervistë për Gazetën inFokus.

Megjithëse ende nuk dihet sa do të jetë rritja, është e sigurt se shuma totale mujore do të tejkaloj 10 milionëshin.

-Advertisement-

Aktualisht sipas të dhënave të Agjencisë së Statistikave të Kosovës, për këtë kategori të pensionistëve, çdo muaj shpenzohen nga 9.2 deri 9.6 milionë euro, shkruan Gazeta inFokus.

Nëse supozohet se nga janari i viti të ardhshëm pensioni i pleqërisë do të bëhet 100 euro, atëherë del se buxheti i shtetit do të ngarkohet me 12.2 milionë euro për çdo muaj.

Ndërkaq kostoja vjetore do të jetë 147 milionë euro nga 115 milionë euro sa është tani, shkruan Gazeta inFokus..

Nëse thjeshtësohet më tej.

Një pensionistë aktualisht i kushton buxhetit të shtetit 75 euro në muaj, apo 900 euro në vit. Kjo është gati sa gjysma e pagës mujore të një ministri në Qeverinë e Kosovës. /Gazeta inFokus/