Ekonomi

BQK lejon shtrenjtimin e sigurimeve, por jo siç kërkuan kompanitë

Autori: Gazeta inFokus 10:19 | 01 Nëntor 2019

Kërkesa e kompanive të sigurimeve në Kosovë për shtrenjtimin gati përgjysmë të polisave të sigurimeve është refuzuar nga Banka Qendrore e Kosovës.

Por, pavarësisht kësaj qytetarët duket se do të paguajnë më shtrenjtë për polisat e tyre të reja.

Kompanitë e sigurimeve në Kosovë kishin kërkuar nga BQK t’ua lejoj ngritjen e çmimit të polisave të sigurimit për 36,5 për qind, por siç raporton Front Online, kjo nuk është pranuar ndërsa u është kërkuar kompanive që çmimin e policës së sigurimit ta përshtatin me inflacionin në vend.

-Advertisement-

Burime të besueshme të “Front Online” bëjnë të ditur se në vendimin e nxjerr në pikën e parë thuhet se të gjitha kërkesat e kompanive refuzohen deri sa në pikën e dytë thuhet se kërkohet nga kompanitë e sigurimit t’i përshtat tarifat aktuale të primit të sigurimit të detyrueshëm, të cilat janë në fuqi nga data 1 korrik 2001 me normën e inflacionit të publikuar nga Agjencia e Statistikave e Kosovës deri në fund të vitit 2018.

Në bazë të të dhënave të Agjencisë së Statistikave të Kosovës, inflacioni i matur për vitin 2018 ishte 1.1 për qind.

Sa ishte inflacioni dhe deflacioni në Kosovë sipas viteve?

2003 1,2%

2004 (-1,1%)

2005 (- 1,4%)

2006 0,6%

2007 4,4%

2008 9,4%

2009 (-2,4%)

2010 3,5%

2011 7,3%

2012 2,5%