Ekonomi

Bankat amerikane fitojnë më shumë se sa ato evropiane

Autori: Gazeta inFokus 13:28 | 16 September 2019

Bankat amerikane janë në epërsi në krahasim me homologet e tyre evropiane duke arritur fitime shumë më të mëdha se institucionet financiare në anën tjetër të Atlantikut.

Kështu thuhet në një studim të bërë nga konsulenca e biznesit EY, i cili është botuar sot në Frankfurt.

”Gjatë gjysmës së parë të vitit 2019, 10 bankat më të mëdha amerikane fituan së bashku më shumë se dyfishin e homologeve të tyre evropiane dhe ky hendek është duke u zgjeruar”, tha EY.

-Advertisement-

Vlerësuar në bazë të pronave, 10 institucionet më të mëdha financiare në Evropë, shpallën rreth 26,4 miliardë euro (29,2 miliardë dollarë) fitime për gjysmën e parë të këtij viti, gati 6% më pak se një vit më parë.

Në anën tjetër, 10 bankat më të mëdha amerikane shpallën fitime prej gati 70 miliardë eurosh, duke u rritur me 0,6 % në gjysmën e parë të vitit 2018.

Vetëm banka ”JP Morgan” arriti 16,6 miliardë euro fitime gjatë gjysmës së parë.

Pas krizës financiare të viteve 2007-2008, që arriti kulmin me falimentin e bankës ”Lehman Brothers”, në shtator të vitit 2008, administrata amerikane futi fonde direkt në bankat e saj.

Bazuar mbi bursat, bankat amerikane vlejnë më shumë sesa homologet e tyre në Evropë.

VIVA FRESH E SHPALL KREEEEJT MUAJIN BLACK NOVEMBER!
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy