Sa janë të sigurta paratë e kosovarëve në banka nga hajnat?
Autori: Sylejman Sylejmani 10:43 | 05 September 2019
Për dy mijë e 500 euro, katër veta të armatosur deri në dhëmbë, terrorizuan të hënën Shtimen, kur në pikë të ditës ia mësynë bankës Raiffeisen në këtë qytet.
Kaq para morën ata në bankën që u grabit për të katërtën herë brenda një kohe të shkurtër.
Megjithatë, tre punëtorë mbetën të lënduar dhe shumë qytetarë të pa sigurtë për paratë e tyre.
Grabitja e shpeshtë e institucioneve financiare ua ka futur frikën klientëve, shkruan Gazeta inFokus.
Sipas të dhënave të Policisë së Kosovës, vetëm këtë vit 5 banka janë vjedhur, ndërsa në të njëjtën periudhe të vitit të kaluar janë regjistruar 12 sulme fizike ndaj bankave në Kosovë.
Mirëpo, sipas zëdhënësit të Bankës Qendrore të Kosovës, Kushtrim Ahmeti, paratë e gatshme të bankave janë të siguruara.
Në këtë mënyrë, sipas tij humbjet që i ka banka në raste të tilla mbulohen nga vet ajo dhe nuk dëmtohen klientët e saj.
“Bankat i sigurojnë paratë e gatshme tek kompanitë e sigurimeve që janë të licencuara dhe rregullohen nga BQK-ja. Kostoja financiare që i shkaktohet një banke me rastin e ngjarjeve të tilla mbulohet nga vetë banka (përfshirë këtu kontratat siguruese që mund t’i kenë me Kompanitë e sigurimit) dhe asnjëherë nga klientët apo BQK-ja”, ka treguar ai për Gazetën inFokus.
Ahmeti thekson se çështja e plaçkitjeve të bankave është përcjellur me kujdes nga BQK-ja.
Madje për këtë problematikë ata kanë nënshkruar edhe një marrëveshje bashkëpunimi me ministrinë e Brendshme, Policinë e Kosovës e Shoqatën e Bankave të Kosovës.
“Marrëveshja ka për qëllim avancimin e bashkëpunimit për ngritjen e nivelit të sigurisë në sektorin bankar në mënyrë që bankat, personeli i tyre dhe qytetarët të kenë një ambient sa më të sigurt për zhvillimin e aktivitetit të tyre”, thotë Ahmeti.
Se paratë e qytetarëve nuk preken, e thotë edhe kryetari i shoqatës së bankave të Kosovës, Petrit Balija.
Balija tregon se këtë vit ka rënë numri i grabitjeve në banka, por vazhdon të mbetet një problem serioz.
“Sipas të dhënave që kemi ne shihet që siguria fizike ka qenë në nivel dukshëm më të mirë gjatë vitit 2019 krahasuar me vitin paraprak pasi ka pasur më pak sulme mbi bankat, por mund të them se vazhdon të mbetet një problem serioz për sektorin bankar në Kosovë pasi sulmet edhe pse në numër më të vogël këtë vit ato vazhdojnë të karakterizohen me shkallë të lartë të dhunës dhe të kryera nën kërcënimin e armatimit të rëndë”, ka thënë Balija për Gazetën inFokus. /Gazeta inFokus
Të tjera
-
Parashikimi i motit për nesër
Për të enjten parashikohet të mbajë mot me vranësira të shpeshta dhe interval...
-
Çka dihet deri tani për mosmarrëveshjen mes familjarëve që eskaloi në tentim vr asje
Tre persona janë plagosur dhe një është lënduar sot në një fshat të Podujevës...
-
A e keni ditur që shumica e kosovarëve nuk e shfrytëzojnë pushimin e plotë sipas Ligjit?
A s’ka punë? A s’ka puntorë? Është kjo fraza të cilën e kemi dëgjuar shumë...
-
Sela godet VLEN-in: Kanë harruar Albinin, tash e përmendin Mickovskin
Ziadin Sela, lider i Aleancës për Shqiptarët është i ftuar të mërkurën në “Pr...
-
Kosova në hapat e fundit drejtë anëtarësimit në KiE
Rruga e Kosovës drejt anëtarësimit në Këshillin e Evropës vlerësohet se mund ...
-
Policia në Ferizaj shqipton gjoba dhe konfiskon motoçikleta dhe skuterë
Policia në Ferizaj ka njoftuar se sot kanë zbatuar planin operativ “Motoçikle...
-
Një person the*ret me thi*kë te Liqeni i Batllavës
Nga Policia e Kosovës njoftuan sonte se një person ka marrë lëndime trupore t...
-
Balje: Deklarata e Kurtit për Kodin Civil është provokuese, nuk votoj pro martesave mes gjinisë së njëjtë
Deputetja e Kuvendit të Kosovës, Duda Balje, ka thënë se deklarata e kryemini...
-
Dumoshi (LDK): Gjitha kërkesat e SBASHK-ut janë të drejta, ne do të kemi komunikim me ta se Qeveria po i neglizhon
Deputetja e LDK-së, Vlora Dumoshi për FrontOnline ka komentuar protestën e SB...
-
“Vrásje në tentativë” – Prokuroria kërkon ndalimin e pesë personave për incidentin e armatosur në Lupç të Podujevës
Prokuroria Themelore e Prishtinës ka kërkuar që pesë persona të ndalohen për ...
-
Blinken: Hamasi duhet të pranojë propozimin për armëpushim
Sekretari amerikan i Shtetit Antony Blinken shprehu të mërkurën vendosmërinë ...
-
Pesë persona ndalohen për 48 orë për rastin në Lupç ku u pla gosën 4 persona
Pesë persona janë ndaluar për 48 orë si të dyshuar për plagosjet në Lupç të P...