Sport

Kryetari i FFK-së Agim Ademi para gjyqit nën akuzat për kërcënim e kërkim të 30 mijë Eurove

Autori: Gazeta inFokus 10:02 | 30 Janar 2019

Kryetari i Federatës së Futbollit të Kosovës (FFK) Agim Ademi do të dalë sot para gjyqit për t`u përballur me akuzat për veprat penale të detyrimit dhe ushtrimit të ndikimit.

Ademi po akuzohet se së bashku me Muharrem Ramën e kanë kërcënuar për vdekje një person. E gjithë kjo sipas Prokurorisë u bë me qëllim ndryshimi të statusit të një ngastre toke.

Në aktakuzë thuhet se dy të akuzuarit e lartpërmendur kanë kërkuar nga Dritëro Kadolli shumën prej tridhjetëmijë eurove apo një veturë të tipit “BMW X5”, me qëllim të ndikimit të tyre në vendimmarrjen e Kryesuesit të Asamblesë Komunale të Prishtinës, Sami Hamiti që të ndryshoj statusin e një ngastre toke nga “zona e gjelbëruar” në “zonë ndërtimore”.

-Advertisement-