Ekonomi

A po falimenton Bitcoin?

Autori: Gazeta inFokus 10:32 | 17 December 2018

Kriptovaluta Bitcoin për të shtatën javë më radhë po pëson rënie, ku është ndalur pranë nivelit 3 mijë dollarë, i cili është niveli më i ulët që prej muajit shtator 2017.

Aktualisht, kriptovaluta më e madhe u ndal pranë nivelit 3,300 dollarë edhe pas një rritje prej 0.51 për qind brenda 24 orëve.Vlera e tregut të kriptovalutave ka rënë me rreth 730 miliardë dollarë që prej muajit janar kur edhe prekën majat, ku asokohe, Bitcoin tregtohej pranë nivelit të 20 mijë dollarë.

-Advertisement-

Gjatë muajit dhjetor nuk ka ndodhur asnjëherë që Bitcoin të regjistrohet dy ditë rresht në rritje, ku sipas ekspertëve vlera aktuale nuk është reale.

Ekspertët thonë se ecuria në tregjet e kriptovalutave nuk e zbeh aspak potencialin që ato kanë në të ardhmen, e sidomos sa i përket përdorimit të teknologjisë Blockchain.