Osmani: Të bekuar që kemi përkrahjen e aleatëve për Ushtrinë, nga nesër të gjithë qytetarët do të jenë edhe më të sigurt
Autori: Gazeta inFokus 22:10 | 13 December 2018
Deputetja e Lidhjes Demokratike të Kosovës, Vjosa Osmani, thotë se Republika e Kosovës është e bekuar që e ka mbështetjen e aleatëve si SHBA-ja, Gjermania dhe Britania e Madhe për krijimin e Ushtrisë. Ajo thotë se pas krijimit të Ushtrisë së Kosovës, të gjithë qytetarët e Kosovës do të jenë më të sigurt dhe u ka bërë thirrje edhe qytetarëve serb që të behën pjesë e Ushtrisë së Kosovës.
Osmani thotë se Lidhja Demokratike e Kosovës në seancën e nesërme do të jap përkrahjen e plotë për miratimin e tre ligjeve për transformimin e FSK-së në Ushtri, duke e cilësuar ditën e nesërme si historike për Republikën e Kosovës.
Në një prononcim për Gazetën Express, Osmani ka folur edhe rreth deklarimeve të bëra ditë më parë nga Sekretari Gjeneral i NATO-s, Jens Stoltenberg, duke thënë se krijimi i ushtrisë së Kosovës është një hap krejtësisht i natyrshëm, dhe se Kosova e meriton të ketë ushtrinë e vet si një prej popujve më pro NATO në botë.
“Qysh në vitin 2016, NATO ka konstatuar se FSK-ja ka arritur të gjitha kapacitetet operacionale. Pra, hapi i transformimit të FSK-së është krejtësisht i natyrshëm dhe hap që e meriton populli i Kosovës, si populli më pro-NATO në botë dhe në veçanti vajzat e djemtë që shërbejnë në FSK. Besoj që gradualisht të gjitha shtetet anëtare të NATO-s do të binden për kontributin që ushtria jonë do të jep për paqen dhe stabilitetin e rajonit. Kosova është e bekuar që ka përkrahjen e shtetit më të fuqishëm në NATO, pra të SHBA-ve, dhe të shteteve të tjera të fuqishme si Gjermania dhe Mbretëria e Bashkuar”, ka thënë deputetja e LDK-së për Express.
Osmani ka thënë se Lidhje Demokratike e Kosovës do të përkrahë plotësisht nesër transformimin e FSK-së në Ushtri, duke e cilësuar këtë si një moment historik.
“LDK I jep përkrahje të plotë procesit të transformimit të FSK-së, duke konsideruar si moment historik për sigurinë e të gjithë qytetarëve tanë, pavarësisht etnisë, dhe për paqen e sigurinë në tërë rajonin tonë. Qysh në pjesën e parë të vitit 2016 pata deklaruar në Kuvend se transformimi I FSK-së duhet të procedohet me ligj. Më vjen mirë që edhe skeptikët e atëhershëm brenda Kuvendit të Kosovës tani pajtohen për këtë hap dhe kemi një unanimitet e consensus të plotë, ashtu siç i ka hije një vendit në rast të tilla”, është shprehur ajo.
Sa i përket mundësisë së tensionimit të situatës në veri të endit gjatë ditës së nesërme, Osmani thotë që të gjithë qytetarët e Kosovës do të jenë më të sigurt pas krijimit të Ushtrisë së Kosovës. Ajo thotë që Vucici duhet të mos i përdor politikisht qytetarët serb të Kosovës, dhe t’i lejojë të jetojnë të sigurt në shtetin e tyre, Republikën e Kosovës.
“Thirrja ime për qytetarët që e mirëpresin këtë vendim është që të festojnë me dinjitet, ashtu siç kanë bërë gjithnjë në momente të tilla vendimtare. Ndërkaq për qytetarët serb, kam mesazhin e njejtë që kasha edhe par një kohe në seancë: nga nesër ata do të jenë edhe më të sigurt në Kosovë. Ushtria e Kosovës do të kujdeset për sigurinë e tyre ashtu si për secilin qytetar në Kosovë. Serbia dhe Vucici tepër gjatë i kanë mbajtur qytetarët tanë serb peng të ëndrrave që vazohen në logjikën e shekullit 19. Qytetarët serb në Kosovë meritojnë të lihen të qetë e të sigurt në shtetin e tyre, Republikën e Kosovës, dhe po këtu ta ndërtojnë të ardhmen e tyre pa ndërhyrje nga jashtë, përfshirë edhe duke u bërë pjesëtarë të Ushtrisë së Kosovës. Ushtria është një shtyllë e shtetit që do të kontribuojë në këtë drejtim. Prandaj nuk ka asnjë arsye për tensionim të situatës. Nesër ka arsye vetëm për festë të dinjitetshme”, ka përfunduar deputetja e LDK-së, Vjosa Osmani, në një prononcim për Gazetën Express.
Nesër Kuvendi i Republikës së Kosovës do të mblidhet për të votuar tri ligjet të cilat do ta bëjnë FSK-në, Ushtri të Republikës së Kosovës. Për këtë i gjithë faktori politik Kosovar është unik, përveç Listës Srspska të cilët dirigjohen nga Beogradi e që janë kundër krijimit të Ushtrisë.
Ambasadori i SHBA-së në Kosovë, Philip Kosnet, sot edhe një herë ka thënë se krijimi i Ushtrisë së Kosovës është një ditë historike për Kosovën. Ai ka përsëritur mbështetjen e plotë të SHBA-së për këtë proces.
Edhe admiral I NATO-s, James Fogo, ka thëën se krijimi i Ushtrisë së Kosovës është një e drejt sovrane
Të tjera
-
Ndriçimi smart në kryeqytet, LVV: Tenderi shkon në dëm të buxhetit të komunës
Kordinatori i Lëvizjes Vetëvendosje në Prishtinë, Arben Brovina, në një konfe...
-
Bie nataliteti në Kosovë, ASK dhe MPB me statistika të ndryshme për lindjet
Tkurret numri i shtimit të popullsisë në Kosovë vit pas viti. Në dekadat e fu...
-
Vetëvendosje në Prishtinë mban konferencë për media, ka disa akuza për Ramën
Arben Brovina, koordinator i nën komiteteve të lëvizjes Vetvendosje, qendra n...
-
Petkoviqi: Anëtarësimi i Kosovës në KiE operacion kundër Serbisë
Operacion kryesisht të drejtuar kundër Serbisë dhe popullit serb, e ka quajtu...
-
Sa ḁrmë pa leje kanë kosovarët?
Armët pa leje në duart e qytetarëve të Kosovës, paraqesin rrezik serioz, thon...
-
Arrestohet një i dyshuar për vra*je në tentativë në Ferizaj
Është arrestuar dje një person për vrasje në tentativë në Ferizaj që ka ndodh...
-
Shitet për një vlerë marramendëse, ora e njeriut më të pasur të Titanikut
Një orë xhepi prej ari, e gjetur në trupi e njeriut më të pasur në bordin e T...
-
Burri në Viti raporton se i është vjedhur kasaforta me para
Një burrë në Viti ka raportuar se persona të panjohur kanë vjedhur një kasafo...
-
U dërgua në gjendje të rëndë shëndetësore në QKUK, vdes shtetasja serbe
Të shtunën në Qendrën Klinike Universitare të Kosovës ka ndërruar jëtë një gr...
-
Iraku miraton ligjin kundër marrëdhënieve të së njëjtës gjini, deri në 15 vjet burg
Parlamenti i Irakut ka miratuar një ligj që dënon marrëdhëniet e të njëjtës g...
-
Tahiri: Kurti të jap shpjegim pse Serbia mbeti e pa ndëshkuar pas sulmit në Banjskë
Ish-kryenegociatorja e Kosovës në dialogun Kosovë-Serbi, Edita Tahiri ka kërk...
-
Moti sot me diell, temperaturat deri në 17 gradë Celsius
Sot në Kosovë parashihet të mbajë mot me diell e me vranësira të shpërndara. ...