Lajme

​Gorani: Politika e jashtme është pasqyrë e gjendjes sonë të brendshme

Autori: Gazeta inFokus 12:30 | 22 November 2018

Deputeti i PSD-së, Dukagjin Gorani, ka thënë në rast se Kosova nuk avancon brenda, politika e jashtme nuk do jetë asgjë tjetër pos objekt i talljes nëpër zyrat e qeverive të botës dhe material për shpotitje për mediat ndërkombëtare.

Këto komente Gorani i bëri sot në seancën e Kuvendit ku po diskutohet për ‘skandalet në politikën e jashtme’ me kërkesë të LDK-së.

Gorani ka theksuar se politika e jashtme varet nga ajo se çfarë u ofrohet tregjeve të mëdha botërore.

-Advertisement-

Ai tha se përkundër orientimit pro-perëndimor e pro-evropian, qytetarët e Kosovës janë shoqëria e fundit në Ballkan, e cila vazhdon të jetojë ankthin primitiv të viteve të 90-a.

“Kurrë se kuptuam e as që duam ta kuptojmë, se të gjitha politikat, e më së shumti ajo e jashtme, janë pasqyrë e gjendjes së brendshme. Andaj, gjithë këto vite të shpenzuara në gënjime elektorale të vetes, po na hakmerren sot një nga një. Jemi më të izoluar se kurrë, përkundër gjithë sukseseve tona diplomatike, jemi më të mospërfillur se kurrë përkundër gjithë fotografive me liderë botëror. Jemi më të vetmuar se kurrë, edhe pse tash e sa muaj i kemi qitë në shitje kufijtë e shtetit dhe tokat e popullit”, u shpreh ai.

Gjatë fjalës së tij, ai tha po ashtu se lobimi për njohje nënkupton vetëm mënyrë të zhvlerësimit të shtetësisë deri në nivel të një transaksioni financiar të ndonjë shitblerjeje. Kjo sipas tij, gjithmonë duke shpresuar në efektin e miqësive të trilluara private e personale.

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

lajme