Lajme

Kosova bleu 300 milionë euro mallra nga Serbia për nëntë muaj

Autori: Gazeta inFokus 13:33 | 07 Nëntor 2018

Mbi 300 milionë euro ka marrë shteti serb nga Kosova vetëm gjatë këtij viti.

Kështu thuhet në të dhënat e doganës së Kosovës dërguar Gazetës inFokus.

Saktësisht 318 milionë e 558 mijë euro është vlera e produkteve që Serbia ka eksportuar në Kosovë gjatë periudhës janar-shtator të këtij viti.

-Advertisement-

E sasia e kësaj vlere arrin mbi 800 milionë kilogramë ose saktësisht 830 milionë e 922 mijë kilogramë.

Më së shumti gjatë kësaj kohe janë importuar lëndë djegëse dhe pije alkoolike.

Nga janari deri në shtator të këtij viti janë importuar lëndë djegëse me vlerë mbi 75 milionë euro ndërsa pije dhe alkool me vlerë rreth 30 milionë euro.

Kosova nga shteti serb ka importuar edhe kafshë të gjalla vlera e të cilave arrin deri 6 milionë euro. Ndërsa rreth 500 mijë euro mish e rreth 35 mijë euro peshk dhe kafshë të tjera nënujore.

Ndërsa reth 2 milionë euro ka importuar vetëm produkte bulmetore. Në të dhënat e Doganës së Kosovës thuhet se Kosova nga shteti serb gjatë 9 muajve të parë të këtij viti ka importuar produkte bulmetorë në vlerë 1 milionë e 845 mijë euro.
Gjatë vitit 2017 Kosova nga Serbia ka importuar produkte më vlerë 317 milionë euro./Gazeta inFokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy