Ekonomi

Hamza: Qytetarët të punojnë edhe në sektorin privat

Autori: Gazeta inFokus 16:42 | 31 October 2018

Ministri i Financave, Bedri Hamza, ka kërkuar më shumë investime për zhvillimin e sektorit privat, pasi kjo do të motivojë të rinjtë për punësim.

Në takimin rajonal të ministrave të Financave në Shkup, me temën “Nxitja e zhvillimit ekonomik përmes zhvillimit të kapitalit njerëzor në vendet e Ballkanit perëndimor”, ministri Hamza veçoi fenomenin e ikjes së trurit nga rajoni.

“Ne duhet të investojmë që ta zhvillojmë sektorin privat në mënyrë që të jetë bartës i zhvillimit ekonomik dhe ky sektor të motivojë të rinjtë dhe të rejat për punësim, dhe mos të shikohet sektori publik si mundësi e vetme për punësim. Kemi bërë progres por që kemi ende punë përpara nesh për ta thelluar këtë zhvillim”, tha ai.

-Advertisement-

Ministri Hamza tha se në fazat e ardhshme të politikë-bërjes duhet fokusuar në forcimin e institucioneve shoqërore.

“Ne duhet të ndryshojmë modelin tonë të rritjes ekonomike, për të mundësuar një zhvendosje, respektivisht “kërcim” të konsiderueshëm në raport me rritjen e deritanishme”, u shpreh ai.

Ndryshe, Kosova në dokumentin e saj më të lartë strategjik, e që është “Strategjia Kombëtare për Zhvillim”, ka renditur zhvillimin e kapitalit njerëzorë, si shtyllën kryesore të kësaj strategjie.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

ekonomi