Auto&Tech

Tesla do të prezantojë gjatë kësaj jave një model të ri (Foto)

Autori: Gazeta inFokus 17:31 | 04 Shtator 2018

Njohësit e prodhuesit Tesla, supozojnë se mund të jetë një Roadster i ri

Duket se Mercedes EQC, nuk është e vetmja makinë elektrike që do të lansohet gjatë kësaj jave, pasi Tesla do ta sjellë një model misterioz po ashtu,

Sipas Electrek, pronarëve të makinave Telsa iu është dërguar e-maili, ku mund të konkurrojnë për një ftesë VIP, që të marrin pjesë në Grand Basel që zhvillohet më 5 shtator.

-Advertisement-

Në organizimin që thuhet të jetë ‘më i miri, ku shfaqen kryeveprat e automobilizmit’ do të prezantohet edhe një model i ri, befasi nga Tesla.

Bazuar në pjesën anësore të një makine që shfaqet në ftesë, e cila besohet të jetë Roadster i parë që u lansuar më 2008, njohësit pretendojnë se mund të jetë pikërisht modeli i njëjtë, por me ndryshime të mëdha.

Megjithatë, Tesla njihet si kompani që nuk prezanton makinë në zhvillime të tilla, por kryesisht në organizime private. Të shfaqurit e një Roadster në atë panair, do ishte befasues dhe mundësi e mirë e krahasimi me makinat tjera.