Lajme

Qeveria do që aksioni për pastrimin e Kosovës të jetë i qëndrueshëm

Autori: Gazeta inFokus 20:41 | 09 August 2018

Në secilin aksion ky vend në lagjen Dragodan të kryeqytetit pastrohet nga mbeturinat.

Por, i pastruar mbetet vetëm për një kohë të shkurtër, pasi që sërish kthehet në gjendjen e mëparshme e mbuluar nga mbeturinat.

Këtë gjendje alarmante të mjedisit Qeveria po synon ta përmirësojë në tërësi brenda tre muajsh.

-Advertisement-

Task-forca e formuar pas vendimit të kryeministrit për këtë çështje ka mbajtur takimin e parë, ku u tha se nga 15 shtatori do të nisë aksioni për pastrimin e Kosovës.

Për këta tre muaj sa do të zgjasë aksioni, do të punësohen një mijë punëtorë sezonalë me pagë mesatare, të cilët do të përzgjidhen nga Ministria e Punës.

Nga zyra e kryeministrit, Donjeta Gashi tha se aksioni do të ketë edhe masa të tjera, që do të vazhdojnë edhe pas përfundimit të tij.

Aksionit do t’i bashkëngjiten edhe vullnetarë nga Shoqëria Civile.

Ndërkaq, ky aksion për pastrimin e mjedisit do t’i kushtojë buxhetit të Kosovës rreth 700 mijë euro, ndonëse ende nuk është i definuar.

Komunat të cilat do të tregohen të suksesshme, Ministria do t’i shpërblejë me mjete financiare për projekte të ndryshme mjedisore.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy