Auto&Tech

Audi nuk ndalet, së shpejti sjell Q4 dhe paralajmëron Q1, Q6 dhe Q9

Autori: Gazeta inFokus 15:26 | 06 Qershor 2018

Prodhuesi premium nga Gjermania së shpejti do të prezantojë modelin Q4, ndërsa ka paralajmëruar ardhjen në treg edhe të tri modeleve të reja SUV për të ardhmen – Q1, Q6 dhe Q9.

Spekulohet se Q1 do të vijë si model për vitin 2021 dhe do të jetë SUV më i vogël në kuadër të këtij brendi, një shkallë nën Q2 aktual.

Ndërsa, Q4 pritet të sjellë për adhuruesit Q3 me stil të bukur, por edhe më të shtrenjtë, i cili në treg do të arrijë vitin e ardhshëm.

-Advertisement-

Edhe pse nuk ka konfirmim zyrtar, modeli tjetër Q6 mund të ngjasojë me Q5, derisa modeli Q8 pritet të mos jetë në krye të ofertave të Audit, por pozitën e perlës së prodhuesit gjerman të veturave do të marrë Q9.

Audi ka mbrojtur të drejtën e përdorimit të këtij emri, por do të jetë e vështirë të mund të dihet se si do të duket ky model, në mënyrë që të mos kërcënojë modelet Lamborghini Urus dhe Bentley Bentayga.

Nëse për blerësit nuk do të jenë tërheqëse këto modele, ata mund të përzgjedhin klasën elektrike ku do të arrijnë modelet E-Tron dhe E-Tron Sportback.