Fun & Video

Vodhën afro 10 mijë breshka dhe mbanin në kushte të rënda (Video)

Autori: Gazeta inFokus 15:34 | 21 Prill 2018

 

Afro dhjetëmijë breshka të një lloji të rrallë, janë gjetur duke jetuar në një shtëpi dykatëshe në jugperëndim të Madagaskarit.

Soary Radrianjafizanaka, nga një organizatë që merret me mbrojtjen e  të drejtave të kafshëve, ka thënë se pranë ndërtesës ku janë gjendur breshkat vinte erë e rëndë dhe shumë e pazakontë, transmeton Telegrafi.

-Advertisement-

Pas ankesave të shumta, policia është detyruar të hynte brenda me thyerje, për tu befasuar me gjetjen e kafshëve që jetonin në kushte mizore.

Breshkat e madhësive të ndryshme, kishin zënë të gjitha hapësirat e dyshemesë – me shumë pak mundësi për të manovruar.

“Era e urinës ishte e tmerrshme, e pabesueshme. Kishte breshka gjithkund, prej banjës deri në kuzhinë”, ka thënë Radrianjafizanaka.

Për vjedhjen dhe mbajtjen në kushte të papërshtatshme, janë arrestuar tre persona. Besohet se ato i kishin vjedhur dhe kishin për qëllim tregun e Azisë, ku blihen për mish si dhe nga koleksionues të reptilëve.

Breshkat e ngarkuara në gjashtë kamionë u dërguan në një rezervat, ku do të mbahen për një kohë që të ambientohet, ndërsa më vonë do të lëshohen të lira.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fun-video

Ky website përdor cookies. Duke vazhduar përdorimin, ju pranoni përdorimin e tyre.

Privacy policy