Ekonomi

Rritet lista e veteranëve

Autori: Gazeta inFokus 12:06 | 18 April 2018

Vetëm për tre muajt e parë të këtij viti, skemës pensionale i janë shtuar gati tre mijë veteranë të rinj.

Prej 34 mijë e 529 veteranë të Ushtrisë Çlirimtare të Kosovës, sa llogaritej të ishin përfitues të këtij pensioni vitin e kaluar, tani ky numë është rritur në 37 mijë e 44 veteranë, shkruan “Zëri.info”.

Ndërkaq, 2515 veteranë të rinj janë përfitues të pensioneve gjatë tre muajve të fundit.

-Advertisement-

Sipas një përgjigje të Ministrisë së Punës dhe Mirëqenies Sociale, dhënë ditë më parë gazetës “Zëri” janë larguar mbi një mijë përfitues.

“Nga fillimi i zbatimit të kësaj skeme e deri më tash nga skema janë larguar mbi 1 mijë përfitues, për shkak të kalimit në skema tjera dhe për shkak të vdekjeve të përfituesve”, thuhet tutje në përgjigjen e këtij institucioni.

Një aktakuzë ka ngritur sot EULEX ndaj gjashtë personave që dyshohen se kanë ushtruar ndikimin e tyre që në këmbim të pagesave deri në 1 mijë Euro, që të sigurohet statusi dhe pensioni i veteranit të UÇK-së.