Ekonomi

Politika pengon investitorët e huaj

Autori: Gazeta inFokus 10:54 | 28 March 2018

Janë vetëm 10 deputetë, por ndikimi që kanë është goxha i madh. Jeta e më shumë se 1.8 milionë kosovarëve shpeshherë ka qenë në “duart” e tyre.

Largimi i Listës Serbe nga Qeveria e Kosovës, pritet të ketë pasoja edhe në bizneset e kosovarëve, si dhe në ekonominë e vendit, shkruan Infokusi,com

Kështu vlerësojnë edhe njohësit e ekonomisë.

-Advertisement-

Drejtor Ekzekutiv i Odës së Afarizmit të Kosovës, Ismet Mulaj ka thënë për Infokusin se largimi i Listës Serbe nga Qeveria, do të ndikojë në ardhjen e investitorëve të huaja.

Deklaronë se krizat politike i stagnojnë reformat e nisura si dhe krijojnë një ambient jo miqësor për biznesin.

“Natyrisht qe çdo largim i vemendjes nga reformat strukturore ekonomike e bene ekonominë e Kosovës me jo konkurruese me ekonomitë rajonale. Përqendrimi i shtuar i qeverise në tema politike dhe zgjedhjet e shpeshta pamundësojnë edhe ardhjen e investimeve të cilat janë te domosdoshme për vendin tonë”, ka thënë Mulaj për Infokusin.

Sipas Mulajt, gjendja e tanishme politike do të ndikojë shumë në aftësinë e shtetit për të kryer shërbime për biznesin. Shton se si pasojë e kësaj gjendje do të bie edhe vullneti i bizneseve për të rritur investimet.

“Investuesit e huaj i mban larg Kosovës sepse cilësohet si vend me kriza dhe me situata te paparashikueshme”, ka thënë Mulaj.

Ndryshe, largimi i Listës Serbe nga Qeveria Haradinaj vjen pas arrestimit të Drejtorit të së ashtuquajturës Zyrë për Kosovën në Qeverinë e Serbisë, Marko Gjuriq nga autoritetet kosovare. Arrestimi i tij erdhi pasi që Gjuriq kishte hyrë në territorin e Kosovës, ani pse Ministria e Punëve të Jashtme të Kosovës nuk i kishte dhënë lejë për këtë.(A. Shabani)/Infokusi

 

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy