Ekonomi

Pacolli kishte paralajmëruar se po hyjnë produkte të dyshimta

Autori: Gazeta inFokus 17:25 | 23 March 2018

Nuk është hera e parë që në Kosovë dyshohet se kanë hyrë produkte të rrezikshme për shëndetin e qytetarëve.

Por, rasti i fundit me mishin e prishur që u eksportua nga kompania belge “VEVIBA”, e cila dyshohet të ketë manipuluar me përmbajtjen e mishit dhe etiketat, dëshmoi edhe njëherë për cilësinë e produkteve që importohen në Kosovë, shkruan Infokusi.com

Dyshime serioze ishin ngritur së fundi për ushqimet nga importi që konsumojnë kosovarët. Për nga cilësia që ato kanë, politikanë e përfaqësues të shoqërisë civile, kishin se nuk i plotësojnë asnjë nga standardet e kërkuara në tregjet evropiane.

-Advertisement-

Madje dyshohet se mallrat e destinuara për Kosovë prodhohen në linja të veçanta.

“Alarmante..”, e kishte vlerësuar situatën muaj më parë zëvendëskryeministri dhe Ministri i Punëve të Jashtme , Behgjet Pacolli.

“Flitet se të gjitha mallrat ushqimore që destinohen për tu shitur në Kosovë, prodhohen nga linja të veçanta jashtë secilit standard”, kishte thënë Pacolli.

Mirëpo, me këto shqetësime nuk ishin marrë fare institucionet kompetente të Kosovës.

Infokusi ka kontaktuar me Agjencinë e Veterinës dhe Ushqimit të Kosovës (AVUK), por ata nuk ishin të gatshëm për të dhënë përgjigje.

Ngjashëm kishin vepruar edhe në Ministrinë e Tregtisë dhe Industrisë. Bile në këtë institucion kishin thënë se nuk janë kompetent të merren me produktet që importon Kosova.

Ndryshe, shqetësimi për përdorimin e mishit nga kosovarët është aktualizuar së fundmi. Para pak ditësh u zbulua skandali me mish të prishur e të vjetër 12 vjet e që vinte nga Belgjika, për të cilët u vërtetua se ishte destinuar për kafshë, e që nuk përjashtohet mundësia që do t’u servohej njerëzve.(A.Shabani)/Infokusi

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy