Lajme

Nesër Kuvendi diskuton për rritjen e pagave

Autori: Gazeta inFokus 16:15 | 12 February 2018

Kuvendi i Kosovës nesër prej orës 10:00 pritet të vazhdoj seancën plenare, shkruan Infokusi.com.

Në këtë seancë do të diskutohen pikat e renditë të ditës të mbetura nga seanca e kaluar.

Disa nga pikat e diskutimit do të jenë vendimi i Qeverisë së Kosovës për rritjen e pagave të kabinetit qeveritar, raporti 100 ditësh i punës se Qeverisë, votimi i raportit të gjendjes së mjedisit në Kosovës për vitin 2016.

-Advertisement-

Më poshtë mund të gjeni të plotë rendin e ditës:

9. Interpelanca e Kryeministrit të Republikës së Kosovës, z. Ramush Haradinaj, sipas kërkesës së GP të Lidhjes Demokratike të Kosovës dhe GP të Lëvizjes Vetëvendosjes lidhur me Vendimin e Qeverisë së Kosovës nr.04/20 të datës 20.12.2017 për rritjen e pagave të anëtarëve të Kabinetit qeveritar, Vendimin nr. 05/24 i datës 12 janar 2018, për rritjen e pagave për të gjitha kategoritë e të punësuarave që marrin paga nga buxheti i Kosovës, si dhe Vendimi nr. 15/24 i datës 12 janar 2018 për lartësinë e pagesës mujore për familjet në Skemën e Ndihmave Sociale,

10. Debat parlamentar, sipas kërkesës së nënkryetarit të Kuvendit, z. Kujtim Shala dhe gjashtë (6) deputetëve nënshkrues lidhur me Raportin e 100 ditëve të punës të Qeverisë së Republikës të Kosovës,

12. Shqyrtimi i rekomandimit të Komisionit për Arsim, Shkencë, Teknologji, Kulturë, Rini, Sport, Inovacion dhe Ndërmarrësi për Ratifikimin e nëntë (9) anëtarëve të Këshillit Shtetëror të Cilësisë,

14. Votimi i Raportit për gjendjen e mjedisit në Kosovë për vitin 2016./INFOKUSI

Subscribe në YouTube: GAZETA INFOKUSI