Lajme

Nga Franca, vjen njohja e Palestinës si shtet

Autori: Gazeta inFokus 09:36 | 21 Janar 2018

Komuna Gennevilliers në Francë njoftoi se ka marrë vendim për njohjen e shtetit të pavarur të Palestinës, duke rikujtuar vendimin e Parlamentit francez të vitit 2014, transmeton Anadolu Agency (AA).

Kryetari i Komunës Gennevilliers, Patrice Leclerc, komunë e cila ndodhet në veri të Parisit, në një deklaratë me shkrim bëri të ditur se ka njohur shtetin e Palestinës.

Në deklaratë rikujtohet se në vitin 2014 Parlamenti i Francës dhe Senati kanë miratuar projekt-rezolutën e cila i rekomandon qeverisë që ta njohë shtetin e pavarur të Palestinës. Në deklaratë po ashtu rikujtohet se ministri i atëhershëm i Jashtëm i Francës, Laurent Fabius ka deklaruar se në qoftë se brenda dy vitesh nuk do të ketë rezultat nga takimet e paqes mes Izraelit dhe Palestinës, atëherë shteti i tij do ta njohë Palestinën si shtet të pavarur.

-Advertisement-

Duke vënë në dukje se shpresave për paqe në rajon u janë vendosur dinamitët me vendimin e presidentit të SHBA-ve për Kudsin si dhe me vendimin e Izraelit për ndërtimin e vendbanimeve të raje në tokat e pushtuara, në deklaratë thuhet se “Patrice Leclerc fton të gjitha komunat që ta njohin shtetin e Palestinës”.

“Presidenti Emmanuel Macron kundërshton njohjen e shtetit të Palestinës, por nëse mijëra komuna marrin zyrtarisht një vendim në drejtim të tillë, atëherë edhe Franca do të jetë e detyruar të njohë Palestinën”, thuhet më tej në deklaratë.Vendimi i cili do të nënshkruhet të hënën dhe do të zyrtarizohet, pritet të pranohet edhe nga komunat tjera.

 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy