“S’ka demokraci në Vetëvendosje, përderisa ka vetëm një kandidat”
Autori: Gazeta inFokus 08:31 | 13 January 2018
Tanimë ka përfunduar afati për dorëzimin e kandidatëve për zgjedhjet e brendshme në Lëvizjen Vetëvendosje.
Në këto zgjedhje kandidat i vetëm do të jetë Albin Kurti, i cili ka udhëhequr me VV-në edhe për dy mandate të kaluara, shkruan Indeksonline.
Por të pasurit vetëm një kandidat, sipas analistëve politik nuk tregon demokraci.
Azem Vllasi, në një prononcim për Indeksonline ka thënë se edhe Vetëvendosje po e vërteton “rregullin” se themeluesi i partisë duhet të jetë gjithmonë në krye të atij subjekti.
“Në një parti ku gjatë zgjedhjeve nuk ka më shumë se një kandidat, aty nuk ka aspak demokraci. Kur e pat lshu vendin Kurti e erdhi në krye Visar Ymeri dukej se Kurti është i prirur për të pru një demokraci në Vetëvendosje, por me faktin se po don me u kthy në të njëjtin vend, po e vërteton atë në Kosovë është bërë si rregull, që secili themelues i një partie duhet të jetë gjithmonë në krye të saj”, tha Vllasi.
Sipas tij, VV po ndahet në dysh dhe Kurti do të jetë kryetar vetëm i gjysmës së tyre.
“Vetëvendosja është duke kaluar nëpër disa procese problematike të brendshme ashtu që s’di sa është mirë që në këtë moment të ketë zgjedhje me vetëm një kandidat. Kjo tregon se Vetëvendosje më nuk është ashiqare ajo që ka qenë deri më tash. Ajo po ndahet në dysh dhe Albin Kurti do të zgjidhet kryetar i gjysmës së saj. Vetëvendosje nuk ka vdekur por definitivisht po ndodhin disa procese të brendshme të cilat mo nuk lënë asnjë shancë që të kthehet ajo që ka qenë deri tash”, shtoi Vllasi.
Edhe analisti Belul Beqaj ndanë të njëjtin mendim. Sipas tij, as kjo parti nuk dallon nga partitë tjera lideriste.
Ai madje thotë se ka besuar se Kurti në këtë gjendje në të cilën janë tani, do e kalonte duke insistuar në kundër kandidatë.
“Kandidatura pa kundër kandidat është dëshmi se edhe kjo parti nuk dallon shumë sa i përket natyrës së partive lideriste. VV është dashur të kapërcej edhe këtë sëmundje për të shërbyer si shembull i respektimit të konkurrencës së mirëfilltë ngase asnjë parti nuk është serioze,sipas mendimit tim, nëse brenda saj nuk ka së paku edhe një kundër kandidatë”, u shpreh Beqaj.
Por, Beqaj thekson se Vetëvendosja pas kësaj “sëmundje” do të mbetet faktor shumë i rëndësishëm në jetën politike në vend.
“Vetëvendosja do të transformohet,do të shërohet nga sëmundjet e fëmijërisë …dhe do të mbetet faktor shumë i rëndësishëm e jetës politike në Kosovë”, ka përfunduar Beqaj.
Zgjedhjet e brendshme të Vetëvendosjes do të mbahen me 21 janar, ndërkaq shumë anëtarë të saj kanë dhënë dorëheqje nga pozitat e deritashme.
Të tjera
-
Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i p...
-
Lavrov flet në telefon për Kosovën me Bërnabiqin, Daçiqin e Gjuriqin
Ministri i Punëve të Jashtme të Rusisë Sergej Lavrov ka biseduar në telefon ...
-
Menduh Thaçi për Taravarin: Po a e dini sa ka vjedhë ai?
Menduh Thaçi i PDSH-së tha se ish-kandidati për president Arben Taravari “ka ...
-
Kurti takoi sot shefin e OSBE-së në Kosovë dhe ambasadorin e Zvicrës
Kryeministri Albin Kurti, ka mirëpritur gjatë ditës së sotme shefin e OSBE-së...
-
Lladrovci për Luan Haradinajn: Luani i UÇK-së, shtigjet e lirisë i njihte cep më cep, si fletë të historisë, ai i dinte përmendësh
Kryetari i Komunës së Drenasit, Ramiz Lladrovci dhe bashkëluftëtar të tjerë k...
-
Maqedonci: Evropa duhet të jetë e gatshme ndaj kërcënimeve të Rusisë
Delegacioni i Kosovës i udhëhequr nga zëvendëskryeministrja dhe ministrja e P...
-
Ngriten çmimet e paketave turistike në Shqipëri, operatorët fajin ia lënë kursit të euros
Paketat turistike për këtë sezon veror pritet të jenë më të shtrenjta krahasu...
-
Zhduket 30 vjeçarja nga Ferizaj – familjarët kërkojnë ndihmë, Policia në kërkim të saj
Mëngjesin e së hënës është zhdukur një vajzë 30 vjeçare nga Ferizaj. Lajmi u ...
-
DASH: Escobar nuk është shkarkuar, emërohet në një pozitë tjetër
Ndihmës sekretari amerikan i Shtetit Gabriel Escobar nuk është shkarkuar nga ...
-
Ish-koloneli i policisë: Bandat serbe po e vazhdojnë strategjinë e tyre me sulmet ndaj PK-së dhe KFOR-it
Rrahman Sylejmani, ish-kolonel i Policisë së Kosovës, ka thënë se sulmet që p...
-
“Kemi bërë 4 arkivolë, nusen do e përcjellim me 3 fëmijët”, flet vëllai i Edison Arrazit: Nuk është ushtruar dhunë…
Flet Edison Arrazi, vëllai i të dyshuarit Erdgys Arrazi: Është një ngjarje sh...
-
Gërvalla: Paqja në Evropë mund të sigurohet vetëm duke ndalur të gjithë së bashku Rusinë dhe Serbinë
Duke diskutuar rreth temës “Siguria Rajonale – Sfidë për Evropën”, bashkë me ...