Sport

Levandovski e Courtois, ende në shënjestrën e Realit

Autori: Gazeta inFokus 13:40 | 09 Dhjetor 2017

Reali i Madridit tashmë ka filluar të mendojë për strategjinë e tij për merkaton e verës së ardhshme, sigurisht pa anashkaluar atë të muajit janar.

Një prej futbollistëve që e ëndërron Florentino Perez është Mauro Icaridi, por mes kandidaturave për repartin e sulmit duket se është rishfaqur edhe emri i Robert Levandovskit.

Të paktën kjo është ajo që lexohet te e përditshmja Marca, sipas së cilës, “Los Blancos’ gjithnjë e kanë pasur pikë të dobët polakun e Bayernit të Mynihut. Levandovski për momentin ndihet mirë te skuadra bavareze, por në muajt e kaluar u tundua jo pak nga ideja për të kaluar te kampionët e Europës për të provuar një eksperiencë në kampionatin spanjoll.

-Advertisement-

Në vitin 2017 Levandovski ka shënuar 52 gola në 51 ndeshje, një mesatare vërtet fantasike për të.

Një tjetër emër që është përmendur në ambientet e skuadrës madrilene është edhe Thibaut Courtois. Portieri belg e dëshiron një rikthim në Madrid për arsye familjare.

Në fakt fëmijët e tij jetojnë në kryeqytetin spanjoll me ish-bashkëshorten e tij dhe Courtois po planifikon për t’u afruar sa më shpejt me ta. Për më tepër kontrata me Chelsean e portierit belg skadon në vitin 2019 dhe ai ende nuk e ka rinovuar atë duke krijuar një lloj ankthi te blutë e Londrës.

Në krahun tjetër, te Reali në portë është Keylor Navas, por në muajt e fundit, pozitat e tij në skuadër janë tronditur ndjeshëm. Zidane e ka mbrojtur gjithnjë atë kjo edhe për fdaktin se me të në skuadër,. Reali fitoi 2 liga kampionesh. Por Perez nuk duket shumë entuziast me kostarikanin dhe në këtë pikë Courtois mund të jetë diçka më shumë se një hipotezë e merkatos.