Ndër dhjetë vendet e para për zakonet jo të mira të ushqimit janë Shtetet e Bashkuara dhe shumë vende të Evropës Qendrore dhe Lindore.

Cilët janë popujt që kanë një jetë më pak të shëndetshme, duke abuzuar me alkoolin , cigaret dhe ushqimet e yndyrshme? Është pyetja që është vendosur nga Clinic Compare, blog britanik i specializuar në tema të shëndetit. Duke analizuar të dhënat e tre organizatave kryesore ndërkombëtare (Organizata Botërore e Shëndetësisë, CIA World FactBook dhe World Lung Assocation), në 197 vende, faqja ka hartuar renditjen e 20 popullsive me zakonet më pak të shëndetshme të planetit. Italia duket në qendër të kësaj dhe mjaft larg nga vendi i 20-të. Republika Ceke renditet e para me 29,1% që vuan nga obeziteti. Përveç kësaj, çdo qytetar i Evropës Qendrore dhe Lindore pi mesatarisht 13.1 litra alkool të pastër në një vit. Për konsumin e cigareve, vendi është i njëmbëdhjeti në renditjen e përgjithshme.

Rusia

Vendi i dytë është Rusia, ku çdo qytetar pi mesatarisht 13,7 litra alkool të pastër dhe tymos 2.690 cigare në vit.

Sllovenia

Në vend të tretë janë sllovenët, popullsia e gjashtë në planet për konsum të duhanit. Mesatarisht çdo qytetar pi 2637 cigare në vit.

Bjellorusia

Në vijim janë bjellorusët, të cilët zënë vendin e dytë në botë për konsum të alkoolit dhe cigareve.

Sllovakia

Rreth 27,4 % të sllovakëve janë obezë. Banorët vendosen në vendin e nëntë për konsumin e alkoolit në botë.

Hungaria

Vendi i gjashtë është Hungaria. Kush jeton në këtë vend magjistarësh mesatarisht pi 1.774 cigare në vit.

Kroacia

Të shtatët në renditje janë kroatët, që konsumojnë mesatarisht 13.6 litra alkool për person në vit.

Polonia

Në Poloni, çdo banor tymos mesatarisht 1.369 cigare në vit dhe pi 12.3 litra alkool.

Luksemburgu

Vendi i parë i Evropës Perëndimore në klasifikim është Luksemburgu, ku 25%  e popullsisë është obeze.

Shtetet e Bashkuara

Shtetet e Bashkuara janë vendi i parë jo-evropian në vend të dhjetë. Rreth 35% e popullsisë së rritur është klasifikuar me rrezik mbipeshe. Konsumi relativisht i ulët i duhanit dhe alkoolit ka penguar vendin të renditet më lart në listë.

Lituania

Lituanezët pinë më shumë se çdo popullsi tjetër e pranishme në klasifikim, me një mesatare prej 18.2 litra alkool të pastër çdo vit.

Bullgaria

Bullgaria renditet e gjashta për konsumin e alkoolit, ndërsa 25.6% e popullsisë është obeze.

Estonia

Në Estoni 24.5 %e popullsisë është obeze dhe konsumi mesatar i alkoolit çdo vit është 12.8 litra për person.

Belgjika

Belgët konfirmohen si përdorues të mëdhenj të alkoolit dhe duhanit. Të dyja klasifikohen në vend të shtatë.

Kanadaja

30.1%  e popullsisë kanadeze kanë probleme obeziteti.

Libani

Libani renditet i treti për konsumin e duhanit. Çdo banor tymos mesatarisht 3.023 cigare në vit.

Australia

Popullsia australiane është një nga ata që konsumojnë më shumë alkool, me një mesatare prej 11.7 litra për person në vit.

Greqia

Pavarësisht dietës së njohur mesdhetare, 25% e popullsisë greke është obeze.

Rumania

Në vendin e nëntëmbëdhjetë janë rumunët , të cilët jo vetëm konfirmohen si pijedashës të mëdhenj, dhe mesatarisht tymosin 1.619 cigare në vit.

Mbretëria e Bashkuar

E mbyllin top 20 banorët e Mbretërisë së Bashkuar, të cilët renditen në vend të nëntë mes popullsive që pinë më shumë alkool.

Shijoni eksperiencën e re të blerjes në Meridian Express x EXFIS!

Sponsoruar