Sport

Allegri zbulon se kur do të pensionohet

Autori: Gazeta inFokus 15:32 | 28 Shtator 2017

Massimilliano Allegri ka zbuluar se do të pensionohet nga futbolli pas 5 ose 6 viteve.

Massimilliano Allegri do të ushtrojë profesionin e trajnerit të paktën edhe për 5-6 vjet të tjerë. Është vetë trajneri i Juventusit që konfirmoi gjithçka në një intervistë për revistën GQ Italia, në numrin e muajit tetor.

“Për sa kohë që argëtohem teksa shkoj drejt fushave të lojës dhe të përgatis futbollistët, unë do të vazhdoj të ushtroj profesionin e trajnerit”, tha Allegri.

“Por në momentin që kjo nuk do të ndodhë më do të tërhiqem dhe çështja është e zgjidhur. Më pëlqen të shoh lojtarët që përmirësohen vazhdimisht, më pëlqen që t’u jap të rinjve mundësinë e debutimit në skuadër e t’i shoh ata të bëhen të rëndësishëm”, ka theksuar ai.

-Advertisement-

Ndërkaq, emri i Massimilliano Allegrit, në të ardhmen mund të lidhet me atë të Kombëtares italiane dhe trajneri livornez nuk e fsheh kënaqësinë që ndjen.

“Kombëtarja është një motiv krenarie dhe mua më intereson shumë. Skuadra e së ardhmes është shumë premtuese. lojtarët e lindur në vitet 1992-2000 janë shumë të mirë”, ka përfunduar Allegri.