Lajme

SPERTK kërkon nga Kuvendi i Kosovës ta trajtojë edhe zgjidhjen e problemit të RTK

Autori: Gazeta inFokus 15:55 | 05 September 2017

Sindikata e Punëtorëve e RTK-së kërkon nga Kuvendi i Kosovës nga kjo legjislaturë e re që ndër çështjet primare ta trajtojë edhe zgjidhjen e problemit të RTK-së me miratimin e ligjit të ri, sigurimin e pronës dhe ndërtimin e objektit të ri, miratimin e ligjit të RTK-së dhe zgjidhjen e financimit të përhershëm dhe të pavarur të RTK-së.

Njoftimi i tyre:

Sindikata e Punëtorëve e RTK-së

-Advertisement-

Kryesia e SPERTK-së

Kërkesë: Për Kuvendin e Kosovës

Të nderuar deputetë ju e dini mirë se në çfarë kushtesh zhvillohet program në objekte e studio të stërvjetruara e të improvizuara që gjendet tani mediumi publik, e të cilat janë të rrezikshme për kolegët tanë të cilët kalojnë mbi 12 orë punë në to.

SPERTK ju ka informuar në vazhdimësi për këto rreziqe që përballen kolegët tanë ku një shi i rrëmbyeshëm mund t’i përfshijë të gjitha studiot e RTK-së dhe rrezikon ndërprejen e programit dhe jetën e kolegëve tanë.

SPERTK ka kërkuar në vazhdimësi nga themeluesi i RTK-së që ta mirtojë ligjin për RTK-në i cili është jetik për vazhdimin e funksionimit të RTK-së.

Të nderuar deputetë të Kuvendit të Kosovës, legjislatura e kaluar e la në gjysmë miratimin e ligjit për shkak të shpërbërjes së Kuvendit, andaj kërkojmë nga ju që në ditët e para ta përfundoni këtë çështje sepse funksionimi i RTK-së në këto kushte do të jetë i pamundur.

SPERTK kërkon nga Kuvendi i Kosovës që buxhetin e mirtuar për RTK-në ta shpërndajë në menyrë ligjore dhe në asnjë formë mos ta cungojë atë, ndryshe RTK mund të futet në probleme të pariparueshme.

Subscribe në YouTube: GAZETA INFOKUSI