Lajme

BE i jep Greqisë 209 milionë euro për trajtimin e krizës së refugjatëve

Autori: Gazeta inFokus 08:04 | 28 July 2017

Bashkimi Europian njoftoi të enjten një paketë të re ndihme prej 209 milionë eurosh për Greqinë për të trajtuar krizën e refugjatëve dhe përmirësimin e jetës së popullit.

Paketa e re e ndihmës vjen pas asaj prej 192 milionë euro të dhëna nga Mekanizmi i Mbështetjes së Emergjencave i BE-së në vitin 2016. Fondi i ri e dyfishon mbështetjen emergjente ndaj Greqisë duke e ngritur në total ndihmën në 401 milionë euro.

BE-ja ka mobilizuar mbi 1.3 miliardë euro ndihmë për Greqinë deri në vitin 2020 për menaxhimin e migracionit dhe të kufijve të jashtëm.

-Advertisement-

Që nga viti 2015, Greqia ka qenë një nga portat kryesore të hyrjes në Europë të mbi 1 milion refugjatëve dhe emigrantëve që ikin nga konfliktet dhe varfëria në Lindjen e Mesme dhe Afrikën e Veriut.

Mbi 60,000 refugjatë dhe emigrantë janë bllokuar në Greqi që nga mesi i shkurtit i 2016-s pas mbylljes së kufijve përgjatë rrugëve të Ballkanit Perëndimor.

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme