Ekonomi

Ligji i ri nuk i mbyllë të gjitha mundësitë për të pasur automjet pa patentë shoferë, kjo është mënyra për regjistrim

Autori: Gazeta inFokus 17:46 | 06 July 2017

Ndryshimet e Ligjit për Automjete, kanë hasur në reagime të forta, por këto reagime sipas zyrtarëve të Ministrisë së Infrastrukturës, janë për shkak të mos informimit derisa Ligji i ri për Automjete ka për qëllim sipas tyre, rritjen e sigurisë në komunikacion. Por ligji i ri nuk ua mbyllë pronarëve të gjitha mundësit për të pasur automjet edhe nëse nuk kanë patentë shoferë.

Nebih Shatri bartës i Ligjit për Automjete ka thënë gjatë një bisede për Telegrafin se nga 27 maji i këtij vitit, pronarët e automjeteve nuk mund t’i regjistrojnë ata pa pasur patentë shoferë, e po ashtu edhe pas shitjes së makinave pronari i ri duhet t’i ri nënshtrohet kontrollit të teknik mjetit i cili vlen vetëm një muaj nëse nuk regjistrohet.

Ligji për Automjete është sipas modelit slloven, por i cili ka pajtueshmëri edhe me direktiva të Bashkimit Evropian.

-Advertisement-

“Pronari i automjetit i cili ka në pronësi një automjet dhe nuk posedon patentë shoferë, kur e regjistron automjetin duhet që ta ketë të figuruar edhe personin me patentë shoferë, i cili do ta drejtojë automjetin. Pra duhet të figurojnë të dy në librezë të automjetit”, ka thënë Nebih Shatri për Telegrafin. Ai gjithashtu tha se më herët ka pasur raste të përdorimit të automjeteve edhe pa pasur patentë shoferë.

Nebih Shatri bartës i Ligjit për Automjete, ka shtuar se me ligjin e ri parashikohet edhe lëshimi i targave të përkohshme.

Të gjitha të cilat janë pjesë e këtij ligji janë për të rritur sigurinë në komunikacion.

Ai ka bërë të ditur se me ligjin e ri parashikohet edhe aplikimi i kontrolleve teknike mobile, por për këtë duhet që qendrat e kontrollit teknik të pajisen me pajisje përkatëse.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

ekonomi