Ekonomi

Ligji i ri nuk i mbyllë të gjitha mundësitë për të pasur automjet pa patentë shoferë, kjo është mënyra për regjistrim

Autori: Gazeta inFokus 17:46 | 06 Korrik 2017

Ndryshimet e Ligjit për Automjete, kanë hasur në reagime të forta, por këto reagime sipas zyrtarëve të Ministrisë së Infrastrukturës, janë për shkak të mos informimit derisa Ligji i ri për Automjete ka për qëllim sipas tyre, rritjen e sigurisë në komunikacion. Por ligji i ri nuk ua mbyllë pronarëve të gjitha mundësit për të pasur automjet edhe nëse nuk kanë patentë shoferë.

Nebih Shatri bartës i Ligjit për Automjete ka thënë gjatë një bisede për Telegrafin se nga 27 maji i këtij vitit, pronarët e automjeteve nuk mund t’i regjistrojnë ata pa pasur patentë shoferë, e po ashtu edhe pas shitjes së makinave pronari i ri duhet t’i ri nënshtrohet kontrollit të teknik mjetit i cili vlen vetëm një muaj nëse nuk regjistrohet.

Ligji për Automjete është sipas modelit slloven, por i cili ka pajtueshmëri edhe me direktiva të Bashkimit Evropian.

-Advertisement-

Nebih Shatri bartës i Ligjit për Automjete, ka shtuar se me ligjin e ri parashikohet edhe lëshimi i targave të përkohshme.

Të gjitha të cilat janë pjesë e këtij ligji janë për të rritur sigurinë në komunikacion.

Ai ka bërë të ditur se me ligjin e ri parashikohet edhe aplikimi i kontrolleve teknike mobile, por për këtë duhet që qendrat e kontrollit teknik të pajisen me pajisje përkatëse.